Qazaqstandyq kásipker Qaırat Boranbaevtyń advokattary bultartpaý sharasyn úı qamaǵyna aýystyrýdy surady. Alaıda sot ótinishti qanaǵattandyrmady, dep habarlaıdy Egemen.kz.
«Qatysýshylardyń pikirin tyńdaǵannan keıin sot kelesi qorytyndyǵa keldi. QR QIJK-niń 153-babynyń talaptaryna sáıkes, bultartpaý sharasy qajettilik bolmaǵan kezde nemese QR QIJK-niń 136, 138-baptarynda kózdelgen negizder, mán-jaılar ózgergen kezde joıylady. Astana qalasynyń mamandandyrylǵan aýdanaralyq tergeý sotynyń 2022 jylǵy 17 naýryzdaǵy qaýlysymen Boranbaev pen Nahanovqa qatysty qamaýda ustaý túrindegi bultartpaý sharalaryna sanksııa berildi», dedi Saryarqa sotynyń sýdıasy Nazgúl Bapaqova.
Onyń aıtýynsha, Astana sotynyń qylmystyq ister jónindegi apellıasııalyq sot alqasynyń qaýlysy ózgerissiz qaldy.
«Nahanov pen Boranbaevqa qatysty bultartpaý sharasyn ózgertýdiń negizderi men mán-jaılary joq. Qorǵaýshylardyń qoldaýhattarynda olardyń qorǵaýshylarynyń densaýlyǵynyń nasharlaýy bóliginde dáleldermen sottalýshylar medısınalyq kómek kórsetý úshin qamaýda ustalatyn medısınalyq pýnktke júginýge quqyly. QR QIJK-niń 147-babynyń 1-bóligine sáıkes kúzetpen ustaý bultartpaý sharasy retinde sýdıanyń sanksııasymen jáne qylmys jasaýda zańmen 5 jyldan astam merzimge bas bostandyǵynan aıyrý túrindegi jaza kózdelgen sottalýshylarǵa qatysty ǵana qoldanylady», dep atap ótti sýdıa.