Memleket basshysy belgili aqyn, mádenıet qaıratkeri Serikzat Dúısenǵazyǵa uly Álıhannyń mezgilsiz dúnıeden ótýine oraı kóńil aıtý jedelhatyn joldady. Bul týraly Prezıdenttiń baspasóz hatshysy Rýslan Jeldibaı Facebook paraqshasynda jazdy, dep habarlaıdy Egemen.kz.
«Otbasyńyzǵa zor aýyrtpashylyq ákelgen qaraly habar bárimizge aýyr tıdi. Ulyńyz Álıhannyń mezgilsiz ómirden ótýine baılanysty qaıǵyńyzǵa ortaqtasyp, kóńil aıtamyn. Ata-ana úshin perzentin joǵaltýdan asqan qasiret joq. Mundaı ózekti órteıtin jaǵdaıda sabyr saqtap, bekem bolyńyz.
Ulyńyzdyń jany jánnatta, ımany salamat bolsyn! Shańyraǵyńyzǵa tek jaqsylyq tileımin!», delingen jedelhatta.