2023 jylǵy qańtardyń birinshi onkúndiginen bastap memlekettik shekaranyń Qazaqstan-Qytaı ýchaskesinde Qytaı tarapy buryn engizilgen shekteý jáne karantındik sharalardy alyp tastaıdy. Bul týraly Memlekettik kirister komıteti habarlady, dep jazady Egemen.kz.
Qytaı tarapy kólik quraldarynyń QHR aýmaǵyna kirý múmkindigimen avtokólik quraldaryn qabyldaýǵa nıetti. Bul rette avtokólik quraldarynyń júrgizýshilerinde vızalar, PTR testileri, sondaı-aq olardyń kólik quraldary halyqaralyq standarttarǵa sáıkes kelýi tıis.
Shekaradaǵy shekteýlerdi alyp tastaǵannan keıin, buryn Qytaı tarapy belgilegen avtokólik quraldarynyń sıpattamalaryna qoıylatyn talaptar syrtqy ekonomıkalyq qyzmetke qatysýshylardyń narazylyǵyn týdyrdy, sebebi olar avtokólik quraldaryna qoıylatyn qatań talaptar kezinde avtokólik quraldaryn qaıta jabdyqtaý boıynsha belgili bir shyǵyndarǵa ushyrady.
2023 jylǵy 9 qańtarda múddeli taraptardyń jumysyn úılestirýdi qamtamasyz etý maqsatynda «Qaljat» ótkizý pýnktine QR QM Memlekettik kirister komıtetiniń basshylyq quramy syrtqy ekonomıkalyq qyzmetke qatysýshylarmen kezdesý ótkizdi.
О́tkizilgen jumys keńesi barysynda shekara qyzmetimen, jergilikti atqarýshy organdarmen jáne tasymaldaýshylarmen birlesip kedendik rásimderden ótý, sondaı-aq memlekettik shekaradan ótý tártibi týraly qajetti túsiniktemeler berildi.
Keńes barysynda syrtqy ekonomıkalyq qyzmetke qatysýshylar birqatar suraq qoıyp, naqty jaýaptar aldy.
Memlekettik kirister komıteti kedendik baqylaý boıynsha shekaradaǵy jaǵdaıǵa turaqty monıtorıng júrgizip jatyr.