Qymbat taýardy ıemdengisi kelgen Aqtóbe turǵyny júk kóligin órtep jiberdi, dep habarlaıdy Egemen.kz Polisia.kz-ke silteme jasap.
34 jastaǵy er adam jalǵa alynǵan DAF kóligimen júk tasymaldaýmen aınalysqan. О́tken jyldyń sońynda ol taýardy Almatydan tıep alyp, Reseı Federasııasynyń Máskeý qalasyna jetkizbek bolǵan. Aqtóbe qalasyna kelgen ol atalǵan múlikti ıemdenbek oıymen taýarǵa órt qoıýdy josparlaǵan.
3 qańtarda kúdikti Marjanbulaq aýylynda týysqanynyń úıine taýardyń bir bóligin (shamamen 70%-yn) túsirip, odan ári Shymkent – Samara tas jolyna shyǵyp, atalǵan aýyldan 40 shaqyrymdaı qashyqtyqta fýranyń tirkemesinde qalǵan taýardy órtep jibergen. Taýar ıesi júk kóliginde jalpy somasy 146 mıllıon teńgege taýar (elektronıka, uıaly telefon akasessýarlary, zarıadtaýlar, paýerbankter, avtomagnıtoldar) bar ekenin túsindirgen.
Atalǵan fakti QR QK-niń 190-baby 4-bóligi (Alaıaqtyq) boıynsha tirkelip, sotqa deıingi tergep-tekserý júrgizilip jatyr. Kúdikti qamaýǵa alyndy.