Úsh jyl ishinde elordalyq MIB ortalyǵy 500-den astam qoǵamdyq tyńdaýlar, jınalystar ótkizip, qala turǵyndaryn turǵyn úı-kommýnaldyq sharýashylyq jáne turǵyn úı múlkin basqarý máselelerin sheshýge jumyldyrdy, dep habarlaıdy Egemen.kz Astana ákimdigine silteme jasap.
Azamattyq bastamalardyń arqasynda elorda ákimdigi el reformalaryn iske asyrýda aqparattyq habarlaý, qyzmettiń jańa baǵyttaryn quratyn qalalyq jobalardy damytýdy turaqty negizde qoldaıdy.
Osylaısha, 3 jyl ishinde elordada turǵyn úılerdi basqarý salasynda 800-den astam jańa zańdy tulǵa quryldy, MIB tóraǵalary men basqarýshy kompanııalar úshin bilim berý baǵyttary ashyldy, turǵyn úılerge servıstik qyzmet kórsetýshiler boıynsha monıtorıng júrgizildi, jańa jumys oryndary quryldy.
«Elordalyq ortalyqtyń qurylys jáne TKSh salasyndaǵy kommersııalyq emes uıymdarmen jáne basqa da zańdy tulǵalarmen jumys jónindegi jobasynyń úlgisinde qoljetimdi master-klasstar men azamattardy ashyq qabyldaý arqyly olardyń quqyqtyq jáne qarjylyq saýattylyǵyn arttyrý bóliginde sharalar qabyldanyp jatyr», delingen habarlamada.
2020 jyldan bastap iQamal qaýymdastyǵy MIB ortalyǵy jobasy arqyly 500-den astam qoǵamdyq jınalystar, jıyndar, tyńdaýlar jáne qoǵamdyq talqylaýlar ótkizdi.
«Qoǵamdyq keńesterdiń, PIK pen MIB-tiń qyzmetin qaıta formattaý sózsiz jalǵasady. Sondaı-aq belsendi azamattar meniń oıymsha, qoǵamdaǵy eńbek qundylyǵy ıdeologııasyn ilgeriletýge baǵyttalǵan jobalarǵa qatysýy tıis. Árıne, kez-kelgen jınalys, qoǵamdyq tyńdaý nemese qoǵamdyq talqylaý – ár adamnyń jeke bilimi men tájirıbesinen turatyn pikirler, kózqarastar, tásilder arasyndaǵy aıyrmashylyq. Degenmen qala turǵyndary qoldanystaǵy zańnamaǵa súıene otyryp, óz senimderin qurmetpen qorǵaýdy úırenýi kerek ekenine óz basym senimdimin. Turǵyn úı nysanyn basqarý, jańa nysandar salý jáne aýmaqtardy ıgerý birinshi kezekte qurylys normalary men zańnamalyq aktilerge negizdelýi tıis», dep atap ótti Astana MIB ortalyǵynyń basshysy Gúlvıra Ábetova.