Almatylyqtardyń nazary Botanıkalyq baqtaǵy óner týyndylaryna aýdy. Halyqaralyq bilim korporasııasynda sáýletshi, dızaıner, kórkemóner mamandyǵynda oqıtyn stýdentter tabıǵı materıaldardan erekshe týyndylar jasap, qala turǵyndaryna tartý etti.
Botanıkalyq baqty tazalaý barysynda butaq, qýraǵan shóp, aǵash dińin kádege asyrǵan stýdentterdiń qolynan shyqqan óner týyndylarynyń qatarynda jándikterge arnalǵan úıshikter de bar. Qys mezgilinde mundaı úıshikter ıesiz turǵanymen, kóktem shyǵa jándikter uıalaı bastaıdy. Appaq qar ústinde boı kótergen erekshe dúnıeler stýdentterdiń tabıǵatqa, qorshaǵan ortaǵa degen súıispenshiliginen týyndasa kerek. Inalmaty deregi boıynsha, Botanıkalyq baq mamandary bul ıgi istiń aldaǵy ýaqytta jalǵasyn tapqanyn qalaıdy. Baqta túrli pishindegi kompozısııalar úshin materıaldar jetkilikti. Sondyqtan da mamandar qalamyzǵa erekshe kórik beretin jobalardy qoldaýǵa daıyn.
Botanıkalyq baqqa kelýshiler óner týyndylarynyń janynda sýretke túsip, qysqy baqtyń ereksheligine tamsanýda.
ALMATY