Túnde Almaty qalasyndaǵy «Jaıly» turǵyn úı kesheniniń aýmaǵynda jylý jelisi isten shyqty, dep habarlaıdy Egemen.kz.
Jelide jer astynan sýdyń aǵyp jatqany beınelengen vıdeo paıda boldy.
Almaty jylý energetıkalyq kesheni men TKSh kásiporyndarynyń resmı ókili Iаn Gırın Almaly aýdanynda Saıran kóliniń janynda ornalasqan «Jaıly» turǵyn úı kesheniniń aýmaǵynda jylý jelisiniń isten shyqqany týraly habarlady.
«Apat ornyna shuǵyl túrde «Almaty jylý jelileri» JShS brıgadasy shyqty. Ol 2003 jyly paıdalanýǵa berilgen taratý qubyry ýchaskeleriniń birindegi aqaýdyń saldaryn joıdy. Bul turǵyn úı keshenine jatady. Tańǵy saǵat 8-ge deıin keshen turǵyndaryna jylý men ystyq sý berý tolyq kólemde qalpyna keltirildi. Zardap shekkender men qandaı da bir zalal týraly aqparat túsken joq», dedi Iаn Gırın.
Jaqynda Almatyda Myńbaev kóshesinde sý qubyry buzylyp, nátıjesinde birneshe kóshe sý astynda qalǵan edi.