Ál-Farabı atyndaǵy Qazaq ulttyq ýnıversıtetinde «Túrik ádebıetiniń esimder sózdigi» atty 20 tomdyq jınaqtyń tusaýkeser rásimi ótti. Oǵan Qazaqstan men Túrkııanyń túrkitanýshy ǵalymdary, Ázerbaıjan, Qyrǵyzstan, О́zbekstan, Majarstan, Túrkimenstan elderiniń Bas konsýldary, joǵarǵy oqý ornynyń basshylary, ýnıversıtet oqytýshylary men bilim alýshy jastar qatysty, dep habarlaıdy Egemen.kz.
Alqaly jıyndy ál-Farabı atyndaǵy QazUÝ-dyń Basqarma Tóraǵasy – Rektory Janseıit Túımebaev ashyp, is-sharanyń máni men maqsatyna toqtaldy.
- Ál-Farabı atyndaǵy Qazaq ulttyq ýnıversıtetinde jaqynda ǵana Túrkitaný jáne altaıtaný ǵylymı-zertteý ınstıtýty ashyldy. Bul ınstıtýt Túrki halyqtarynyń tarıhy men ádebıetin jan-jaqty zerttep, saralaýda úlken jobalardy bastap ketti, – dedi rektor.
Sonymen qatar Janseıit Túımebaev búginde Qazaqstan – Túrkııa qarym-qatynasy jańa deńgeıge kóterilgenin aıta kele, osy ınstıtýt aıasynda eki el ǵalymdarynyń qatysýymen salystyrmaly-tarıhı sózdikter, túrkologııalyq ensıklopedııalar shyǵarylyp, ǵylymı zertteýler júrgiziletinin jetkizdi.
Jıynda sóz alǵan Q.A.Iаsaýı atyndaǵy halyqaralyq qazaq-túrik ýnıversıtetiniń О́kiletti keńes tóraǵasy, professor Muhıttın Shımshek baýyrlas eki el arasyndaǵy ortaq túrkologııalyq zertteýlerdiń ózektiligine mán berdi. Tusaýy kesilip, qazaq oqyrmanyna jol tartqan «Túrik ádebıetiniń esimder sózdigi» jınaǵy jaıly málimet berdi.
− Kitap túrik ádebıetiniń basynan XXI ǵasyrǵa deıingi, dálirek aıtqanda 1985 jyly týǵan aqyn-jazýshylardy qamtıdy. Klassıkalyq ádebıet, aıtys, tasaýýf, sopylyq dástúri jáne tanzımat dáýirinen keıingi zamanaýı túrik ádebıeti tolyǵymen qarastyryldy, – dedi professor.
Negizinen Anadolydaǵy seljúktermen bastalyp, Osmandyqtarmen jalǵasyp, búgingi kúnge jetken ádebı jınaqty qoǵammen bir arnaǵa toǵystyrýdy kózdeıdi. Sonymen qatar eski uıǵyr, Qarahan, Horezm-Qypshaq, Shaǵataı jáne Ázerbaıjan esimderi men ataýlary da engizilgen.
Sondaı-aq jıynda Túrkııa Respýblıkasynyń Almaty qalasyndaǵy Bas konsýly Alı Rıza Akynjy, Q.A. Iаsaýı atyndaǵy halyqaralyq qazaq-túrik ýnıversıteti Eýrazııa ǵylymı-zertteý ınstıtýtynyń dırektory Sýat Beılýr, Q.A.Iаsaýı atyndaǵy halyqaralyq qazaq-túrik ýnıversıtetiniń rektory Janar Temirbekova jáne ózge de qonaqtar pikir bildirip, túrkitildes memleketterdiń ózara yntymaqtastyǵyna aıryqsha nazar aýdardy. Sonymen qatar jıylǵandar «Túrik ádebıetiniń esimder sózdigin» túrkitanýǵa qosylǵan eleýli úles retinde baǵa berdi.
Qatysýshylar óz sózderinde túrkilerdiń tasqa basylǵan ortaq tarıhy men tili, mádenıeti men dástúri áli de tereń zertteýdi qajet etetinin alǵa tartty. Basqosý óz kezeginde túrki murasyn, túrkitildes halyqtardyń tilin, ádebıetin, folkloryn, tarıhyn, etnografııasyn, mádenıetin zertteýshilerge tyń serpin, jańa baǵyt beretinine senim bildirdi.
Konferensııa barysynda Q.A.Iаsaýı atyndaǵy halyqaralyq qazaq-túrik ýnıversıtetiniń О́kiletti keńes tóraǵasy, professor Muhıttın Shımshekke ál-Farabı atyndaǵy QazUÝ-dyń «Qurmetti professory» ataǵy berilip, ál-Farabı tósbelgisimen marapattaldy.