Ǵalymnyń ǵasyrlyq belesi

Alqaly jıynnyń ashy­lýyn­da merekelik sharany uıym­­das­tyrǵan Qazaqstan-Reseı medı­sınalyq ýnıver­sı­tetiniń rektory Nurlan Jaı­­naqbaev qut­tyqtaý sóz sóı­lep, «Ǵa­lym­­nyń júrip ót­ken jolyn, eń­bek­terin elimiz ǵana emes, Dos­tastyq elderi de ǵıbratty es­te­liktermen eske alatyny sóz­siz» dep atap ótti.

Jıyn barysynda Qorǵanys mınıstriniń orynbasary, general-leıtenant Muhamedjan Talasov mınıstrdiń arnaıy quttyqtaý hatyn oqyp, Zul­qaı­nar Seıitulyna «El qor­ǵany» medalin tabys etti.

Hımııa ǵylymdarynyń doktory, professor Zulhaıyr Man­surov 100 jasaǵan ǵalym­nyń bıohımııa sala­syn­­daǵy keshendi eńbek­terine toqtalyp, elimizdiń densaý­lyq salasyna qosqan úlesin, sa­­lamat­ty ómir saltyn us­ta­ný, aǵzanyń uzaq jasaýyna qatysty jazǵan monografııa­la­ry­nyń ult­tyq bolmysymyz­ben tereń as­tasyp jat­qandyǵyna toqtaldy.

Jıynǵa kelgender professor Zulqarnaı Seıitovtiń ómir jolyna qatysty fılm­di kórip, aǵylshyn ti­lin­de jaryqqa shyqqan «Bio­che­mis­try» eńbegimen tanys­ty. Bul eńbek ótken ǵasyr­dyń 80-jyldary orys, ke­ıin­­nen qazaq tilinde jaryq kó­­rip, ǵylymı qaýymdastyq ta­ra­pynan joǵary baǵasyn al­ǵany belgili. Osy eńbegi úshin professor «Platınaly Tar­­lan» syılyǵymen mara­pat­talǵan. «Ǵalymnyń bul eńbegin «klassıkalyq medı­sı­nalyq eńbek» dep atap ótken M.Aıthojın atyndaǵy Mole­kýlalyq bıologııa jáne bıohımııa ınstıtýtynyń bas dırektory, bıologııa ǵylymdarynyń doktory, professor Kamalıden Sharıpovtyń aıtýynsha, qazaq hal­qynyń basynan kesh­ken náýbet aýyrtpalyǵyn, Ekinshi dúnıe­júzilik soǵys jyldaryn basynan ótkerip, ulttyq ǵylym isiniń damýyna áli kúnge deıin úles qosyp kele jatqan arda­ger-ǵalym Zulqarnaı Seıitovtiń bul eńbegi jahandyq syn-te­geý­rinderdi basshylyqqa ala­dy. Aǵzadaǵy zat almasý úr­disi­nen bastap, júıke júıesi, dá­neker ulpasy, baýyr bıohımııasyn sıpattaıtyn «Bıo­hımııa» kitabyn Qazaqstan-Re­seı ýnıversıteti aǵylshyn ti­lin­­de jaryqqa shy­ǵaryp otyr.

«Bıohımııa» eńbeginiń av­tory búginde elimiz ǵana emes sheteldiń ǵylymı qaýym­das­tyǵyna ulttyq sýsyn­dardyń paıdasy, «Qazaq balzamdary» men «Altynsý» emdik sýsyndarymen keńinen málim. Ol dúnıe júzinde alǵash ret bıologııalyq qasıetterin saqtaı otyryp, qymyz ben shubatty daıyndaý jáne uzaq ýaqytqa deıin saqtaý tehnologııasyn, sonymen qatar bıe, túıe sútin qurǵaqtaı paıdalaný ádisterin dáleldedi.

ALMATY