Álemniń 180 eliniń memlekettik týyn jatqa biletin Astana qalasynyń mektep oqýshysy 6 jasar Ergen Dúısenbek Oqý-aǵartý mınıstrliginde bolyp, Ǵanı Beısembaevpen kezdesti, dep habarlaıdy Egemen.kz vedomstvonyń baspasóz qyzmetine silteme jasap.
Kezdesýge Ergen óziniń týlar jınaǵyn ákelip, bilimdiligin kórsetti. Sondaı-aq ol osy elderdiń barlyǵyna barýdy armandaıtynyn aıtty.
«Men álemniń barlyq memleketiniń týyn bilemin, biraq sonyń ishindegi eń ádemisi – bizdiń eldiń Týy. Men eseıgende ataqty adam bolyp, kók baıraǵymyzdy búkil álemge tanytyp, kókke kótergim keledi», dedi oqýshy.
Oqý-aǵartý mınıstri Ǵanı Beısembaev birinshi synyp oqýshysy Ergen Dúısenbekpen áńgimelesip, oǵan gramota men estelik syılyqtar tabys etti. Mınıstr Ergenniń ata-anasyna aqyldy jáne tárbıeli urpaq tárbıelegenderi úshin alǵys aıtty.