Búgin Aqparat jáne qoǵamdyq damý mınıstri Darhan Qydyráli Túrkııa Respýblıkasynyń Qazaqstan Respýblıkasyndaǵy Tótenshe jáne О́kiletti elshisi Ýfýk Ekıdjımen kezdesti, dep habarlaıdy Egemen.kz AQDM-ǵa silteme jasap.
Júzdesý túrik tarapynyń bastamasy boıynsha О́kiletti elshiniń mıssııasynyń aıaqtalýyna oraı ótti.
Jıyn barysynda Darhan Qydyráli Qazaqstan Prezıdenti júrgizip jatqan reformalar týraly jáne mınıstrlik jetekshilik etetin salalar boıynsha aqparat berdi.
«Keıingi úsh jylda qazaq-túrik qatynastary odan ári nyǵaıyp, qos tarap túrli salalarda, ásirese medıa, jastar saıasaty baǵytynda birqatar birlesken joba júzege asty», dedi ol.
О́z kezeginde Ýfýk Ekıdjı myrza mınıstrliktiń quziretindegi salalardyń qyzmetine joǵary baǵasyn berdi.
Kezdesý sońynda Darhan Qydyráli Ýfýk Ekıdjı myrzanyń dıplomatııalyq mıssııasynyń aıaqtalýyna oraı, aldaǵy mańyzdy ári jaýapty qyzmetterine tolaıym tabystar tiledi.