Mádenıet jáne sport mınıstri Ashat Oralov 25 qańtarda ótken vedomstvonyń alqaly jıynynda Art Sport baǵdarlamasyna 86,7 mlrd teńge bólingenin aıtty, dep habarlaıdy Egemen.kz.
«Memlekettik sporttyq jáne shyǵarmashylyq tapsyrysty ilgeriletý maqsatynda 2023 jyly jergilikti atqarýshy organdar 560 myńnan astam bala men jasóspirimdi sportqa baýlý úshin 86,7 mlrd teńge bóldi», dedi mınıstr.
Ashat Oralov balalardyń sport jáne dene shynyqtyrý sabaqtaryna qatysýyna kóp kóńil bólinetinin atap ótti. Máselen, 2022 jyly 4 jastan 17 jasqa deıingi 400 myńnan astam bala men jasóspirim 13 myń sport seksııalary men shyǵarmashylyq úıirmelerine tegin qatysýǵa múmkindik aldy.