Qazaqstannyń ekinshi raketkasy Tımofeı Skatov Chılıdiń Konsepson qalasynda ótken «Chellendjer» serııasynyń arnaıy jamylǵy tóselgen týrnırinde sátti óner kórsetti, dep habarlaıdy Egemen.kz Ulttyq olımpıada komıtetine silteme jasap.
Qazaqstan tennısshisi Qytaı Taıbeıinen kelgen Výn-Lın Výdy eki sette jeńdi. Match 7:5, 7:6 (8:6) esebimen aıaqtaldy.
Endi ekinshi raýndta Petropavl qalasynyń týmasy kolýmbııalyq Nıkolas Mehıge (260 ATR) qarsy oınaıdy.
Aıta ketsek, Úndistannyń Pýna qalasynda ITF World tennis tour serııasyndaǵy áıelder týrnıri ótip jatyr. Atalmysh týrnırdiń júlde qory 40 myń AQSh dollaryn quraıdy. Qazaqstan tennısshileri Jibek Qulambaeva (483 WTA) men Gozal Aınıtdınova (585 WTA) birinshi aınalymnyń kedergisin ońaı eńserdi.
Jibek Qulambaeva Reseı ókili Ekaterına Reıngoldty (294 WTA) 0:6, 6:2, 7:6 (7:4) esebimen jeńdi, al Gozal Aınıtdınova japondyq Fýna Kozakıdi (861 WTA) 5:7, 6:3, 6:2 esebimen utty.