Búgin Parlament Senatynyń otyrysynda Jaqyp Asanov palata Tóraǵasynyń orynbasary bolyp saılandy, dep habarlaıdy Egemen.kz.
«Bul – zor jaýapkershilik. Sondyqtan óz mindetimdi oryndaý úshin bar bilimimdi, tájirıbemdi jumsaýǵa daıynmyn», dedi Jaqyp Asanov.
Jaqyp Qajmanuly 1963 jyly 17 tamyzda Qyzylorda qalasynda dúnıege kelgen. Kırov atyndaǵy Qazaq memlekettik ýnıversıtetin bitirgen. Zań ǵylymdarynyń kandıdaty. Ýnıversıtetti bitirgennen keıin Qyzylorda oblystyq advokattar alqasynda taǵylymdamadan ótken.
1985-1986 jyldary Qyzylorda oblysynyń prokýratýra organdarynda oblys prokýrorynyń kómekshisi, aǵa kómekshisi jáne oblystyq prokýratýrada bólim bastyǵy qyzmetterin atqardy.
1993-1994 jyldary - Qazaqstan Respýblıkasy Bas prokýratýrasynyń Jalpy qadaǵalaý basqarmasynyń aǵa prokýrory, Qazaqstan Respýblıkasy Bas prokýratýrasynyń Jalpy qadaǵalaý basqarmasynyń Bankter, qarjy-nesıe qatynastary týraly jáne tekserý organdaryndaǵy zańnamanyń saqtalýyn qadaǵalaý bóliminiń bastyǵy.
1994-1996 jyldary - Qazaqstan Respýblıkasy Prezıdenti Ákimshiliginiń Zańdylyq, quqyqtyq tártip jáne sot reformasyn qamtamasyz etý bóliminiń konsýltanty, sektor meńgerýshisi.
1996-1997 jyldary - Ońtústik Qazaqstan oblysy boıynsha Salyq polısııasy basqarmasy bastyǵynyń birinshi orynbasary.
1997-2001 jyldary - Qazaqstan Respýblıkasy Bas Prokýrorynyń aǵa kómekshisi - Áleýmettik-ekonomıkalyq saladaǵy zańdylyqty qadaǵalaý basqarmasy bastyǵynyń orynbasary, osy Basqarmanyń bastyǵy, Qazaqstan Respýblıkasy Bas prokýratýrasynyń Memlekettik organdar qyzmetindegi zańdylyqty qadaǵalaý departamentiniń bastyǵy.
2001-2002 jyldary - Almaty qalasy prokýrorynyń birinshi orynbasary.
2002-2003 jyldary - Pavlodar oblysynyń prokýrory.
2003-2005 jyldary - Qazaqstan Respýblıkasynyń Ádilet vıse-mınıstri.
2005-2007 jyldary - «Atameken» Qazaqstan kásipkerleri men jumys berýshileriniń jalpyulttyq odaǵy atqarýshy dırektorynyń orynbasary, «Qazaqstan kommýnaldyq júıeleri» AQ dırektorlar keńesiniń tóraǵasy.
2006-2007 jyldary - «Ordabasy» korporasııasy» AQ prezıdenti jáne dırektorlar keńesiniń múshesi.
2007-2011 jyldary - IV saılanǵan Qazaqstan Respýblıkasy Parlamenti Májilisiniń depýtaty.
2012 jyly qańtar-qyrkúıek - V saılanǵan Qazaqstan Respýblıkasy Parlamenti Májilisiniń depýtaty.
2012-2017 jyldary QR Bas prokýrorynyń orynbasary. Bas prokýror.
2017-2022 jyldary QR Joǵary sotynyń tóraǵasy boldy.
«Qurmet» ordenimen, «Qazaqstan Respýblıkasynyń táýelsizdigine 10 jyl» medalimen, «Qazaqstan Respýblıkasy prokýratýrasynyń qurmetti qyzmetkeri» tósbelgisimen marapattalǵan.