ASTANA. 16 maýsym. Qyzylorda oblysy ákimi Qyrymbek Kósherbaevtyń ókimimen Abzal Muhımov Aral aýdanynyń ákimi qyzmetine taǵaıyndaldy. Bul týraly «QazAqparat» habarlady.
Abzal Sansyzbaıuly Muhımov Qorqyt ata atyndaǵy Qyzylorda memlekettik ýnıversıtetin fılologııa jáne ekonomıst-menedjer mamandyqtary boıynsha bitirgen.
Eńbek jolyn 1994 jyly qalalyq, oblystyq telearnalardyń tilshisi retinde bastaǵan Abzal Muhımov 2001-2005 jyldary «Oblys ákimi janyndaǵy jastardy qoldaý oblystyq ortalyǵy» memlekettik kásipornynyń dırektory, Syrdarııa aýdanynyń N. Ilııasov atyndaǵy aýyldyq okrýginiń ákimi, Syrdarııa aýdandyq mádenıet bóliminiń bastyǵy, 2005-2010 jyldary Qyzylorda oblysy ákiminiń apparatynda bas maman, Memlekettik qyzmet isteri agenttiginiń Qyzylorda oblysy boıynsha basqarmasy bastyǵynyń orynbasary, Qyzylorda qalasy ákiminiń orynbasary, 2010-2013 jyldary Indýstrııa jáne jańa tehnologııalar mınıstrliginde jáne Ekonomıkalyq damý jáne saýda mınıstrliginde departament dırektory, Premer-Mınıstri keńsesiniń uıymdastyrý jumysy jáne aımaqtyq damý bóliminiń bas ınspektory, Qyzylorda oblysynyń bilim basqarmasynyń basshysy qyzmetterin atqarǵan.
2013 jyldan osy taǵaıyndaýǵa deıin «Nur Otan» partııasynyń Qyzylorda oblystyq fılıaly tóraǵasynyń orynbasary qyzmetin atqaryp keldi.
Joldybaı Bazar.
Derekkóz: «QazAqparat».
Foto: «QazAqparat».