ASTANA. 15 maýsym. Brazılııanyń astanasy – Brazılıa qalasynda birinshi ret oınalǵan bul matchta Shveısarııa men Ekvador kúsh synasty. Ol 2:1 esebimen eýropalyq komandanyń paıdasyna sheshildi. Bul týraly egemen.kz habarlady.
Qazirge deıin chempıonatta oınalǵan oıyndardyń arasynda birde-bir teń nátıje kezdesken joq. Osynyń ózi toptaǵy tartystardyń qatty bolyp jatqanyn baıqatady. Degenmen, bul kezdesýde Shveısarııa áý bastan favorıt sanalǵan edi. Biraq olardyń kezdesý basynda birshama shoqyraqtap oınaǵanan paıdalannǵan Ekvador tizgindi qolǵa aldy. Sonyń nátıjesinde olar 22-mınýtta Enner Valensııa salǵan goldan keıin alǵa da shyqty.
Endi shveısarııalyqtarǵa shyndap oınaýǵa týra keldi. Biraq birinshi taımda olarǵa esepti teńestirýdiń reti kelmedi. Ony bular 48-mınýtta Admır Mehmedıdiń kúshimen jasady. Osymen bári bitkendeı kóringen. Kezdesýdiń 90 mınýty osylaı aıaqtaldy. Alaıda, qosymsha úshinshi mınýtta Harıs Seferevıch taǵy bir gol salyp, óz komandasyna jeńis áperdi.
Damır Qojamqul.
Derekkóz: Chempıonat.Rý.
Foto: Sportbox.ru.