Din isteri agenttiginiń tóraǵasy Marat Ázilhanov jaqynda arnaıy saparmen Jambyl oblysynyń Qordaı aýdanynda boldy, dep habarlady agenttiktiń baspasóz qyzmeti.
Agenttik tóraǵasy sapary barysynda Qordaı aýdanynyń Masanshy, Sortóbe, Aýqatty aýyldyq okrýgterinde bolyp, meshitterdi aralady, meshit ımamdary jáne jamaǵattarymen júzdesip, ondaǵy halyqtyń dinı saýattylyǵyn arttyrý jáne teris dinı aǵymdardyń áreketterine qarsy atqaryp jatqan jumystarynyń jaı-kúıimen tanysty.
Agenttik tóraǵasynyń sapary Sortóbe aýyldyq okrýgine qarasty Bular batyr aýylynda aýdan ákimi Q.Dosaevtyń, oblys ákimdigi din isteri basqarmasynyń basshysy S.Aıdapkelovtiń, bilim salasynyń qyzmetkerleri men ýchaskelik polısııa qyzmetkerleriniń, aýyldyq ardagerler keńesiniń tóraǵalary men oblys jáne aýdan ımamdary, aýyl turǵyndarynyń qatysýymen ótken kezdesýge ulasty.
Sapardyń ekinshi kúni Qordaı aýdany ákimdiginde oblys ákimi K.Kókirekbaevtyń tóraǵalyǵymen oblys ákimdigi janyndaǵy dinı birlestiktermen baılanystar jónindegi keńestiń kóshpeli keńeıtilgen otyrysy ótti. Oǵan jergilikti atqarýshy jáne quqyq qorǵaý organdary, Qazaqstan halqy Assambleıasy Hatshylyǵynyń qyzmetkerleri, keńestiń qoǵamdyq jáne dinı birlestikter ókilderinen turatyn músheleri, Taraz qalasy men aýdan ákimderi, prokýratýra, Ulttyq qaýipsizdik komıteti departamenti ókilderi qatysty.
Keńes otyrysynda Qordaı aýdanynyń Sortóbe, Baızaq aýdanynyń Qyzyl Juldyz, Jýaly aýdanynyń Aqsaı aýyldyq okrýgteri ákimdikteriniń turǵyndar arasynda dinı saýattylyqty arttyrý jáne radıkaldy dinı aǵymdardyń yqpalyna túsýdiń jolyn kesý boıynsha atqarǵan jumystary qaralyp, aýyl ákimderi baıandama jasady. Odan keıin S.Aıdapkelov oblystaǵy dinı ahýal men atqarylyp jatqan jumystar týraly aqparat berdi. Al M.Ázilhanov aýdandaǵy dinı ahýal men atqarylyp jatqan jumystarǵa qatysty pikirin aıtyp, osy baǵyttaǵy is-qımyldy odan ári jetildirý úshin birqatar naqty usynystaryn berdi.
Otyrysty K.Kókirekbaev qorytyndylap, turǵyndardyń dinı saýattylyǵyn arttyrý maqsatynda aýyldyq okrýgterde qurylǵan aqparattyq-nasıhattyq top jumystaryn jandandyrýdy, jastar arasynda radıkaldy dinı aǵymdardyń yqpalyna túsýdiń jolyn kesý maqsatynda dástúrli ıslam qundylyqtaryn jáne ulttyq salt-dástúrlerdi nasıhattaý jumystaryn odan ári jalǵastyrýdy, jastardyń bos ýaqyttaryn tıimdi uıymdastyrý úshin memlekettik áleýmettik saladaǵy keshenderdi tıimdi paıdalana otyryp, olardyń boıynda patrıottyq sezimdi qalyptastyrýǵa yqpal etýdi keńes músheleri men oblys ákimdiginiń múddeli basqarma basshylary jáne Taraz qalasy men aýdan ákimderine tapsyrdy.