Berlınde GFR basshylyǵynyń shetel dıplomatııalyq vedomstvolary basshylarymen dástúrli kezdesýiniń sheńberinde Qazaqstan elshisi Nurlan Onjanovtyń Germanııa Kansleri Angela Merkelmen kezdesýi ótti.
Taraptar ekijaqty qarym-qatynastar boıynsha pikir alysyp, Qazaqstan Respýblıkasynyń Údemeli ındýstrııalyq-ınnovasııalyq baǵdarlamasyn júzege asyrý jáne «Batys Eýropa – Batys Qytaı» halyqaralyq kólik dálizin qoldaný aıasynda áriptestikti tereńdetý múmkindikterin talqylady.
Osy oraıda negizgi nazar Shıkizat, ónerkásip jáne tehnologııa salalaryndaǵy áriptestik týraly Qazaqstan-Germanııa úkimetaralyq kelisimine, ıaǵnı ekonomıkamyzdyń basym salalarynda birlesken jobalardy iske asyrýǵa aýdarylýy kerek ekeni atap kórsetildi.
Áńgime sońynda GFR úkimetiniń basshysy Angela Merkel Elbasyna jáne Qazaqstan halqyna óziniń izgi nıetti tilekterin joldap, Germanııanyń Qazaqstanmen ekijaqty qarym-qatynasty damytýǵa múddeli ekenin bildirdi, dep habarlady QR SIM-iniń baspasóz qyzmeti.