Almaty oblysy, Jambyl aýdanynyń qos túlegi Aleksandr Netesov pen Nurbıke Kóbetaı Sankt-Peterbýrgte ótken V halyqaralyq «Shabyt», «Kóktem» atty balalar men jasóspirimder festıvalinde top jardy. О́ner baıqaýyna 8 respýblıka jáne 15 oblys úmitkerleri vokal, horeografııa, teatr, aspapty kórkem shyǵarmashylyq túrlerinen synǵa tústi. Dodada Nurbıke Kóbetaı «Kóktem valsi» men ıtalıan tilindegi «Santa-Lıýchııa» ánin oryndap arnaıy Kýbok pen I dárejeli dıplomdy jeńip alsa, Aleksandr Netesov «Melodııa» jáne aǵylshyn tilindegi «New york» ánderin naqyshyna keltire shyrqap, bas júldege tigilgen Kýbokqa jáne I dárejeli dıplomǵa ıe boldy. Sondaı-aq, qos jeńimpaz bıylǵy jyldyń 23-26 qazanynda ótetin «Qolymnan keledi» óner jarysyna joldama alǵany taǵy bar.
Reseı jerinde ótken ónerpazdar dodasyna jetisýlyq «Aqbota» bı toby jáne jekelegen oryndaýshylar da atalǵan jeńimpazdarmen birge baryp, qatysyp júldeger atandy. Bile-bilsek bul óner. Mine, sol óner qarlyǵashtaryna der kezinde materıaldyq turǵyda demeýshilik jasap, moraldyq qoldaý kórsetkeni úshin Jambyl aýdanynyń ákimi Mahabbat Bıgeldıev úkimetaralyq joǵary ǵylymı keńestiń arnaýly sertıfıkatymen marapattaldy.
Nurbol ÁLDIBAEV,
«Egemen Qazaqstan».
Almaty oblysy.