Ulylardy ulyqtaý – urpaqqa amanat

Bıyl Alash ardaqtylary Shákárim Qudaıberdiuly men Máshhúr­ ­Júsip Kó­peı­­ulynyń týǵanyna­ 165 jáne Maǵjan Jumabaıuly men Sultanmahmut Toraı­ǵyrovtyń ómirge kelgenine 130 jyl tolyp otyr. Osyǵan oraı partııa tarıhı-tanymdyq is-shara uıym­das­tyryp, oǵan tanymal ǵalymdar, tarıh­shylar, qalamgerler jáne jastar qaýy­my qatysty.

«Tól tarıhynan alystaǵan adam óz tamyrynan ajyraıdy. Sondyqtan óskeleń urpaq úshin bul is-sharanyń aıryqsha máni men mańyzy bar. Biz búgin el tarıhynda erekshe oryn ala­tyn alyp tulǵalardyń óne­­ge­li ómiri men eseli eńbek jolyn eske alyp otyrmyz. Olardyń esi­mi ­ár otandasymyzdyń jadynda jań­ǵyryp turýǵa tıis», dedi tarıh ǵy­lymdarynyń doktory, professor Jambyl Artyqbaev.

Al belgili aqyn, Qazaqstan Jazý­shylar odaǵy Astana qalalyq fılıa­lynyń tóraǵasy Dáýletkereı Kápuly bul asa mańyzdy bastama ekenin jet­ki­zip, uıymdastyrýshylarǵa alǵysyn bildirdi.

«Ult qaıratkerlerin ulyqtaý, ótken­­di umytpaý tek partııaǵa artylǵan júk nemese borysh emes. Keıingi ur­paq­­tyń, keleshek jastardyń kóńil kók­jıegin keńeıtetin osyndaı keleli is-sharalar jıi uıymdastyrylyp, tarıhı-tanymdyq áńgimeler udaıy aıtylyp otyrýǵa tıis. Jas býyn ulty­myzdyń ádebıetin, mádenıetin órge súıregen zańǵar tulǵalardyń shyǵar­ma­shylyǵynan nár alyp, ómirin úlgi ete bilýi qajet. Eń bastysy, olar­dyń so­ny týyndylaryn mereıli jylynda ǵana emes, árdaıym izdep júrip oqý kerek», dedi Dáýletkereı Kápuly.

О́z kezeginde, «Amanat»-tyń Saıası jumys departamenti dırektorynyń orynbasary Erkebulan Jaýlybaev bul bastama tarlan tarıhymyzdy, tuǵyrly tulǵalarymyzdy, mádenıetimiz ben rýhanııatymyzdy nasıhattaý baǵytynda partııa qolǵa alǵan alǵashqy is-shara emes ekenin atap ótti.

Partııanyń Saıası tuǵyr­na­ma­syn­da tarı­hymyzdy dáripteý, rýha­nııa­ty­myz­dy jańǵyrtý baǵytyndaǵy bas­­­ta­malarǵa únemi qoldaý kórseti­le­ti­ni, Alash arystarynyń uly muraty únemi úlgi-ónege bolatyny anyq ja­zyl­ǵan. Sonyń bir dáleli retinde, byltyr partııa otandastarymyzdyń jan azyǵyna aınalǵan «Babalar amanaty», «Altyn dombyra», «Táýelsiz elim – tiregim» respýblıkalyq aqyn­dar aıtysyn, jas qalamgerlerdi qol­daý maqsatynda Ult ustazy Ahmet Baıtursynulynyń 150 jyldyǵyna jáne jazýshy Muhtar Áýezovtiń 125 jyldyǵyna arnalǵan «Uly dala» respýblıkalyq shyǵarmashylyq baı­qa­ýyn ótkizdi. Osy baǵyttaǵy ju­mys aldaǵy ýaqytta da jalǵasady», dedi Erkebulan Jaýlybaev.

Sondaı-aq is-shara barysynda aqyn, «Mádenıet portaly» JSSh-nyń quryltaıshysy Baýyrjan Qaraǵyz, aqyn, «Otan saqshysy» gazetiniń redaktory Raýan Qabdolda jyrdan shashý shashyp, ortaǵa oramdy oı tas­tady.

«Mektebińiz qazaqtyń janyna j­aqyn bolǵan kezde ǵana biz bolashaq úshin aıanbaı serttese alamyz» deıdi Maǵjan Jumabaıuly. Iаǵnı qazaqtyń ja­nyna jaqyn mektep qalyptastyrý – Alash arystarynyń amanaty. Biz osy jolda jumys istep jatyrmyz. Tipti bul baǵyttaǵy mektepishilik bir­­qatar mańyzdy jobamyz da bar. Shá­kirt­te­ri­miz búgingi is-sharada esimi erekshe aıtylyp otyrǵan tulǵa­lar­dyń sózinen ónege, tálim-tárbıe alyp keledi», dep túıindedi atalǵan bilim oshaǵynyń dırektory Aıatjan Ahmetjanuly.

Aldaǵy kúnderi dáris Abaı Qunan­baı­uly atyndaǵy №87 mektep-gımnazııasynda jáne Álıhan Bókeıhan atyn­daǵy №76 mektep-lıseıinde jal­ǵa­­sady.