QR Úkimetiniń qaýlysymen Azamat О́mirzaquly Beıisbekov Indýstrııa jáne ınfraqurylymdyq damý vıse-mınıstri qyzmetine taǵaıyndaldy, dep habarlaıdy Egemen.kz.
Azamat Beıisbekov 1985 jyly Qaraǵandy qalasynda dúnıege kelgen.
E.A.Bóketov atyndaǵy Qaraǵandy memlekettik ýnıversıtetinde bilim alǵan. Ol - Prezıdenttik jastar kadr rezerviniń múshesi.
Eńbek jolyn 2006 jyly QR Kedendik baqylaý komıtetiniń kedendik rásimdeý mamanynyń mindetin atqarýshy bolyp bastaǵan.
2009-2011 jyldary QR Indýstrııa jáne jańa tehnologııalar mınıstrligi Indýstrııalyq saıasat jáne Strategııalyq josparlaý departamentteriniń sarapshysy, bas sarapshysy bolǵan.
2011-2012 jyldary QR Premer-mınıstri Keńsesiniń Indýstrııalyq-ınnovasııalyq damý bóliminiń bas sarapshysy qyzmetin atqarǵan.
2012-2015 jyldary QR Prezıdenti Ákimshiliginiń Strategııalyq ázirlemeler jáne taldaý ortalyǵynda túrli laýazymdarda jumys istedi.
2015-2020 jyldary QR Qaýipsizdik Keńesiniń Áskerı qaýipsizdik jáne qorǵanys bóliminiń konsýltanty; ınspektory; sektor meńgerýshisi bolǵan.
2020-2022 jyldary QR Qaýipsizdik Keńesiniń Áskerı qaýipsizdik jáne qorǵanys bólimi meńgerýshisiniń orynbasary boldy.
2022 jylǵy maýsymnan bastap qazirgi ýaqytqa deıin QR Eńbek jáne halyqty áleýmettik qorǵaý mınıstrligi apparatynyń basshysy bolyp jumys istedi.
Buǵan deıin osy laýazymda bolǵan Erjan Jeksenǵalıuly Myrzabaev bergen ótinishine sáıkes qyzmetinen bosatyldy.