Ǵalymdar marapattaldy

Respýblıkalyq konkýrs nátıjesinde 35 jasqa deıingi 50 talantty jas ǵalym jáne 25 jetekshi ǵalym Memlekettik ǵylymı stıpendııalarǵa ıe bolǵany belgili. Mınıstr úzdikterdi marapattaý barysynda ǵylymnyń aldaǵy damý baǵdaryna qatysty mindettermen de bólisti.

Onyń aıtýynsha, Prezıdenttiń ǵylym sa­lasyndaǵy qoldaýynyń nátıjesinde oń ózge­rister oryn alyp jatyr. Zańnama jetil­diril­ip, ǵylym salasyna bólingen qarjylandyrý eki esege jýyq ósti. Jas ǵalymdarǵa aıtar­lyqtaı qoldaý kórsetilip, ǵylymı-zertteý ınstı­týttarynyń bazasy jańartylyp jatyr. Ǵalymdar jetekshi ǵylymı ortalyqtarda taǵy­lym­damadan ótip júr.

– Memleket basshysynyń tapsyrmasy bo­ıynsha Ǵylym jáne joǵary bilim mınıstrligi ǵalymdar men ǵylymı uıymdardyń, joǵary jáne joǵary oqý ornynan keıingi bilim berý uıymdarynyń qyzmetkerlerin jan-jaqty qoldaý máselelerine nazar aýdarylyp otyr. Osy jyldan bastap otandyq ǵylymnyń damýyndaǵy jańa kezeń bastalady. Grantqa ıe bolǵan 1 200-ge jýyq ǵalym jalaqymen qamtamasyz etilip, kepildendirilgen qarjylandyrý aıasyndaǵy zertteýler úzdiksiz jalǵasady. Sondaı-aq granttyq jáne maqsatty qarjylandyrý tetikteri ózgertilip, keıingi jyldary ǵylymdy qarjylandyrý eki esege jýyq ósti. Rásimderdiń ashyqtyǵyn qamtamasyz ete otyryp, ǵylymdy damytý, ǵalymdarǵa qoldaý kórsetý jalǵasyn tabady, – dep atap ótti mınıstr.

Mınıstrliktiń málimetine súıensek, ǵyly­mı zertteýlerdi qoldaý úshin aldaǵy 3 jylda 650 mlrd teńge bólinip, ǵylymdy kommer­sııa­lan­dy­­rý­ǵa jáne qoldanbaly ǵylymǵa basymdyq beril­mek. Tyń ıdeıalar men úzdik ónertabystardy júzege asyrý úshin 75 mlrd teńge qarastyrylǵan. О́tken jyly ǵalymdardyń jalaqysy 2 esege deıin ósti.

Ǵalymdardyń mártebesi ósse, ǵylym da damıdy. Al ǵylymy damyǵan eldiń ekonomıkasy da qaryshtaıtyny anyq. Ǵylymı qaýymdastyqty jigerli qadamdarǵa úndegen mınıstr aldaǵy ýaqytta ǵylym aldyndaǵy turǵan keleli mindetterdiń nátıjesi el ómirinen kórinis beredi degen senim bildirdi.

ALMATY