Búgin Úkimet úıinde mınıstrler kabıneti turǵyn úı-kommýnaldyq ınfraqurylymdy damytý máselesin talqylady, dep habarlaıdy Egemen.kz.
TKSh júıelerin jańǵyrtý týraly ındýstrııa jáne ınfraqurylymdyq damý mınıstri Marat Qarabaev baıandady.
Birinshi kezekte vedomstvo basshysy 2022 jyldyń qorytyndysy, aldaǵy maqsattar jáne osy jylǵa arnalǵan mindetter týraly baıandady. Onyń aıtýynsha, byltyr elimizde 15,4 mln sharshy metr nemese 130 myńnan astam turǵyn úı salyndy. Turǵyn úı qurylysyna ınvestısııalar ótken jylmen salystyrǵanda 16,8%-ǵa ósip, 2,9 trln teńgege jetken. Memlekettik ınvestısııalar esebinen 17 myń 300 páter salynyp, 10,5 myń jeńildetilgen nesıe berilgen.
Turǵyn úıdi iske qosýdyń jalpy respýblıkalyq josparly kórsetkishi 101,8%-ǵa oryndalǵan. Astana jáne Almaty qalalarynyń ákimdikteri josparly kórsetkishti asyra oryndaǵan. 8 óńir turǵyn úıdi paıdalanýǵa berýdiń josparyn oryndaı almady. Onyń ishinde Ulytaý, Soltústik Qazaqstan jáne Atyraý oblystarynyń kórsetkishteri óte tómen.
«Osy jyly 15,3 mln sharshy metr turǵyn úıdi paıdalanýǵa berý josparlanǵan. Josparly kórsetkishter óńirlerge jetkizildi», dedi M. Qarabaev.