Búgin Túrkııaǵa jetken Qazaqstan qutqarýshylary Ibrahımılı aýdanynda izdestirý jumystaryn bastap ketti, dep habarlaıdy Egemen.kz.
Búgin tańerteń Qazaqstannan qutqarýshylar men medısına qyzmetkerlerinen jasaqtalǵan 41 adam zilzala saldaryn joıýǵa kómektesý úshin Túrkııaǵa attandy.
TJM qutqarýshylarynyń ıeliginde gıdravlıkalyq jáne pnevmatıkalyq jabdyqtar, gıdravlıkalyq domkrattar, pnevmodomkrattar, perforatorlar, jaryqtandyrý quraldary, palatkalar, spýtnıktik termınal, karkasty modýl, avtotehnıka bar.
Túrkııaǵa attanǵan arnaıy top qajetti jabdyqtarmen de, qutqarý jumystaryn júrgizýde kóp jyldyq tájirıbesi bar qutqarýshylarmen de jabdyqtalǵan.
Tıisti tapsyrmany Qazaqstan Prezıdenti Qasym-Jomart Toqaev berdi. Jasaq quramynda Qazaqstan TJM qutqarýshylary, Kınologııalyq esepter jáne apattar medısınasy ortalyǵynyń medısına qyzmetkerleri bar.