Devıs kýboginiń fınalynda kimder oınaıdy?

3-5 aqpan aralyǵynda ót­ken irikteý matchtarynyń qo­rytyndysy boıynsha, 2023 jyl­ǵy Devıs kýboginiń fınalyna 12 qurama joldama aldy. Bul – Ulybrıtanııa, Nıderland, Serbııa, AQSh, Fınlıandııa, Fran­sııa, Horvatııa, Chehııa, Chı­lı, Shveısarııa, Shvesııa jáne Koreıa quramalary. Atalǵan 12 kurama kúzde byltyrǵy týr­nır­diń jeńimpazy atanǵan Ka­nada, fınalıst Aýstralııa jáne uıymdastyrýshylardan arnaıy shaqyrtý alǵan Italııa, Ispanııa tennısshilerimen bas júldeni sarapqa salady.

Irikteý oıyndaryndaǵy eń tar­tysty match Koreıa men Bel­gııa arasynda órbigenin aıta ket­ken jón. Alǵashqy jarys kú­niniń nátıjesi boıynsha 2:0 esebimen alǵa shyqqan Eýropa qurlyǵynyń ókilderi ekinshi kúngi matchtarda qatarynan úsh oıynda qarsylastaryna ese ji­berip, 2:3 esebimen jeńilip qaldy. Birinshi jarys kúninde Belgııa tennısshilerinen álemdik reıtıngte 115-satyda turǵan Zızý Bergsa men 52-oryndaǵy Sander Gılle koreıalyq Kvon Sýn Vý (61) jáne Hon Son Chandi (237) jeńse, ekinshi jarys kúninde óz jankúıerleriniń aldynda na­mysqa tyrysqan koreıalyq sport­shylar qatarynan úsh match­ta qarsylastaryn tize búktirip, tama­sha kambek jasady – 3:2. Jup­tyq synda Mın-Kıý Song men Nam Djı Sýn Ioran Vlıgen men Sandera Jılle jubyn eki sette 7:6, 7:6 esebimen jeńse, jeke­leı báse­kede Kvon Sýn Vý úsh sette (3:6, 6:1, 6:1) Davıd Gof­fendi, Hon Son Chhan eki sette (6:3, 7:6) Zızý Bergsany utyp, fı­naldyq saıysqa joldama aldy.

О́zge quramalardyń nátıjele­rine toqtalar bolsaq, Horvatııa – Aýstrııa – 3:1, Nıderland – Slo­­vakııa – 4:0, Fınlıandııa – Ar­gentına – 3:1, Chehııa – Por­tý­galııa – 3:1, Fransııa – Ma­jar­stan – 3:2, AQSh – О́zbekstan – 4:0, Shveısarııa – Germanııa – 3:2, Ser­bııa – Norvegııa – 4:0, Shvesııa – Bos­nııa jáne Gersogovına – 3:1, Ulybrıtanııa – Kolýmbııa – 3:1 jáne Chılı – Qazaqstan – 3:1.

Qatarynan úsh márte Devıs kýboginiń fınaldyq kezeńine jol­­­dama alǵan Qazaqstan qura­ma­­synyń tennısshileri bıyl sol je­tistigin qaıtalaı almaı, jan­­­­kúıer­lerin jerge qaratty. En­di Iýrıı Shýkın bastaǵan jer­lesterimiz joǵary toptaǵy or­nyn saqtap qalý úshin kúzde bi­rin­shi dı­vızıonda jeńimpaz atan­ǵan qu­­ramanyń birimen she­berlik baı­qasady.