Qazgıdromet erteń elimizdiń toǵyz óńirinde aýa raıy nasharlaıtynyn eskertti, dep habarlaıdy Egemen.kz.
Sınoptıkterdiń málimetinshe, Almaty oblysynyń soltústik, ońtústik jáne taýly aýdandarynda qatty jaýyn-shashyn bolady, qalyń qar jaýady. Oblystyń batysynda, taýly aýdandary men taý bókterinde ońtústik batystan soltústik batysqa oıysa soqqan jeldiń ekpini 15-20 m/s, keı tusta 23-28 m/s deıin jetedi.
Qonaevta ońtústik batystan soqqan jeldiń ekpini 15-20 m/s bolady dep kútiledi.
Aqtóbe oblysynyń batysynda tuman túsedi. Kúndiz oblystyń soltústiginde soltústik batys baǵyttan soqqan jeldiń ekpini 20 m/s deıin jetedi.
Abaı aýdanynyń ońtústiginde jáne ortalyǵynda qalyń qar túsedi, jaıaý burqasyn júredi. Túnde oblystyń ońtústiginde tuman bolady. Kúndiz oblystyń shyǵysynda, ońtústiginde batystan, soltústik batystan soqqan jeldiń ekpini 15-20 m/s quraıdy.
Shyǵys Qazaqstan oblysynyń soltústigi men shyǵysynda qalyń qar túsip, boran bolady. Túnde oblystyń soltústigi men ońtústiginde tuman túsedi. Kúndiz oblystyń ońtústiginde soltústik batystan, batystan 15-20 m/s jyldamdyqpen jel soǵady.
Jetisý aýdanynyń ońtústigi men taýly aýdandarynda qalyń qar jaýady. Oblystyń ortalyǵynda, soltústiginde, shyǵysynda jaıaý burqasyn júredi, óńirdiń ońtústigi men taýly aımaqtarynda kóktaıǵaq bolady.
Oblystyń ortalyǵynda, soltústiginde, shyǵysynda ońtústik batystan soqqan jeldiń ekpini 15-20 m/s, keı tusta 25 m/s jetedi. Taldyqorǵanda túnde jáne tańerteń jaıaý burqasyn júredi. Ońtústik batystan soqqan jeldiń túnde ekpini 15-20 m/s quraıdy.
Qostanaı oblysynyń basym bóliginde qar jaýady. Oblystyń soltústiginde, batysynda jaıaý burqasyn júredi. Túnde jáne tańerteń oblystyń shyǵysynda tuman bolady. Oblystyń soltústiginde, batysynda soltústik batystan 20 m/s jyldamdyqpen jel soǵady.
Túnde jáne tańerteń Batys Qazaqstan oblysynyń soltústiginde, shyǵysynda jáne ortalyǵynda, sondaı-aq Oral qalasynda da tuman bolady dep kútiledi.
Soltústik Qazaqstan oblysynyń basym bóliginde qar jaýady. Oblystyń batysynda, soltústiginde jáne ońtústiginde jańbyr jaýady dep kútiledi. Oblystyń batysynda, soltústiginde jáne ońtústiginde ońtústik batystan, batystan 15-20 m/s jyldamdyqpen qatty jel soǵady dep boljanady.
Túnde jáne tańerteń Pavlodar oblysynyń soltústik-shyǵysynda, sondaı-aq Pavlodar qalasynda da tuman bolady.