Mınskide uıymdastyrylǵan fýtboldan «Damý kýbogi-2023» halyqaralyq týrnıri óz máresine jetti.
Jasóspirimder arasyndaǵy týrnırdiń fınalynda «A» jáne «V» tobynda úzdik shyqqan Qazaqstan men Reseı jasóspirimder quramalary kezdesti. Oıynnyń alǵashqy bóligi teń eseppen aıaqtalǵanymen (1:1), ekinshi taımda reseılikterdiń joly boldy – 3:1. Bas júlde úshin ótken matchta Qazaqstan quramasy sapynan jartylaı qorǵaýshy Ilııas Ábil birinshi taımnyń 9-mınýtynda mergendigimen kózge tústi. Bul – onyń osy týrnırdegi úshinshi goly.
Jarys qorytyndysy boıynsha Qazaqstan quramasy týrnırdiń kúmis júldesin ıelense, Reseı fýtbolshylary altynnan alqa taqty. Al úshinshi oryn úshin ótken matchta Reseıdiń 16 jasqa deıingi quramasyn 3:0 esebimen jeńgen Tájikstan (U-17) fýtbolshylary qola júldeger atandy. Týrnır qorytyndysy boıynsha Qazaqstan quramasynyń qaqpashysy Ábilqaıyr Álıakbar «Damý kýboginiń» úzdik qaqpashysy dep tanyldy.