Bul kúnderi Germanııanyń Oberhof qalasynda bıatlonnan álem chempıonaty ótip jatyr. Erler arasyndaǵy 10 shaqyrymǵa sprınterlik jarysta norvegııalyq Iohannes Tınnes Be jeńiske jetti.
Qysqy Olımpııa oıyndarynyń bes dúrkin jeńimpazy, álem chempıonattarynda 14 márte tuǵyrdyń eń bıik satysynan kóringen Norvegııanyń maqtanyshy Iohannes Tınnes Be Oberhofta da aldyna jan salar emes. Jarystyń alǵashqy kúnindegi aralas saıysta jeńimpaz atanǵan Tınnes Be keshe sprınter básekesinde de úzdik shyqty. Bul synda Tınnestiń aǵasy Tareı Be márege ekinshi bolyp jetse, úshinshi oryn 25 jastaǵy taǵy bir norvegııalyq Stýrla Holm Legreıdke buıyrdy.
Álem chempıonatynda Qazaqstan quramasy sapynan eń úzdik nátıjeni jýyrda ǵana AQSh-ta ótken qysqy Ýnıversıadanyń kúmis jáne qola júldesin jeńip alǵan Aleksandr Mýhın tirkedi. Ol márege 41-shi bolyp jetti.