Birneshe dúrkin Olımpıada chempıony, qazaqstannyń jeńil atleti Olga Rypakova kásibı mansabyn aıaqtaıtynyn málimdedi, dep habarlaıdy Egemen.kz Jeńil atletıka federasııasynyń baspasóz qyzmetine silteme jasap.
Ol bul týraly jeńil atletıkadan jabyq jaıdaǵy H Azııa Chempıonatynda habarlady.
«Men óz elime alǵys aıtamyn! Prezıdent pen sport jetekshilerinen bastap, eń jas jankúıerime deıin, maǵan degen senim úshin alǵysymdy bildiremin. Meni tulǵa retinde tanytýǵa múmkindik bergen taǵdyrǵa jáne Qudaıǵa alǵys aıtamyn», dedi kásibı sportshy.
Otandyq sportty damytýǵa qosqan zor úlesi úshin Premer-mınıstr Álıhan Smaıylov Rypakovaǵa alǵys hat joldady.
«Sizdiń jarqyn jeńisterińiz qazaqstandyq jankúıerlerdiń júreginde máńgi saqtalady. Biz sizdiń sportqa degen adaldyǵyńyzdy jáne ustanymdaryńyzdy joǵary baǵalaımyz. Elimizdegi myńdaǵan balalar sizden úlgi alyp, ulttyq jeńil atletıkanyń dástúrlerin jalǵastyryp keledi. Biz sizdiń sportqa qosqan úlesińiz úshin sheksiz alǵysymyzdy bildiremiz. Sizge densaýlyq, amandyq jáne barlyq bastamalaryńyzǵa tabys tileımin!», delingen Smaıylovtyń joldaǵan hatynda.
Saltanat sońynda sportshy jankúıerler aldynda qurmet sheńberin júgirip ótti.