ASTANA. 19 maýsym. Qazirgi tańda pavlodarlyq óńdeýshi kásiporyndar Reseı naryǵyna 215 tonna et jáne et ónimderin eksporttaǵan. Pavlodar oblystyq aýyl sharýashylyǵy basqarmasynyń basshysy Janat Shuǵaev osylaı dep málimdedi. Bul týraly «Aq Jaıyq» gazeti habarlady.
J.Shuǵaev: «Oblysymyzdaǵy aýyl sharýashylyǵy taýarlaryn óndirýshiler men óńdeýshi kásiporyndarǵa Reseıdiń Novosibir oblysy nemese Altaı aımaǵyna etti óńdelgen túrinde eksporttaý tıimdi. Bizdiń «Halal» markaly etimiz reseılik satyp alýshylar arasynda úlken suranysqa ıe bolyp otyr», – dedi.
Oblystyq aýyl sharýashylyǵy basqarmasy basshysynyń aıtýynsha, 2014 jyldyń sońyna deıin et óndirýshiler men óńdeýshi kásiporyndar Reseıge 800 tonnadan astam et ónimderin ótkizýdi josparlaýda.
Joldybaı Bazar.
Derekkóz: «Aq Jaıyq» gazeti.
Foto: muslim.kz.