ASTANA. 19 maýsym. Ǵalymdarymyz týberkýlezge qarsy álemde teńdesi joq dári jasap shyǵardy. Ortalyq kommýnıkasııalar qyzmetinde ótken brıfıngte «Juqpaly aýrýlarǵa qarsy preparattar ǵylymı ortalyǵy» aksıonerlik qoǵamynyń prezıdenti Aleksandr Ilın osylaı dep málimdedi. Bul týraly i-news.kz habarlady.
A.Ilınniń aıtýynsha, týberkýlezben aýyratyn adam EF-ES-1 preparatyn qabyldasa 2 aıdyń ishinde dertinen qulan taza aıyǵyp shyǵady. Sondaı-aq, ol: «GLP standarty tehnıkalyq retteý nysandary retinde tek dári-dármekterdi ǵana emes, sonymen qatar basqa da salalardy qamtıdy. Olardyń qatarynda hımııalyq ónerkásip, aýylsharýashylyǵy salasy, veterınarlyq dári-dármekter bar. Atalǵan standart otandyq ónimniń básekege qabilettigin arttyrady jáne onyń halyqaralyq naryqqa shyǵýyna múmkindik beredi», – dedi.
EF-ES-1 preparatyn jasaýshy ǵylymı toptyń jetekshisi Murat Qulmanov: «Qazirgi biz klınıkalyq synaqtyń úshinshi kezeńine kirisýdemiz», – dedi.
Juqpaly aýrýlarǵa qarsy preparattar ǵylymı ortalyǵy» aksıonerlik qoǵamy óziniń GLP halyqaralyq standartyna sáıkestigin dáleldep otyr. Qazir bul ortalyq TMD aýmaǵynda ǵylymı zertteýler jáne ınnovasııalyq dári-dármekter óndirýmen aınalysatyn birden-bir uıymǵa aınaldy. Búginde munda 200-ge jýyq adam jumys isteıtin 10 zerthana bar.
Parlament Májilisiniń depýtaty Nadejda Petýhova: «Bizge álemdegi damyǵan 30 eldiń qataryna qosylý kerek. Oǵan tek ozyq ekonomıkamyzben ǵana emes, ǵylymdaǵy sapaly jetistigimizben de barýymyz kerek. Bul turǵydan kelgende Halyqaralyq standarttarǵa jaýap beretin tájirbıelik zerthana bizdiń ǵylymymyzdyń úlken jetistigi sanalady», – dedi.
Taǵy bir aıta keter jáıt, «Juqpaly aýrýlarǵa qarsy preparattar ǵylymı ortalyǵy» aksıonerlik qoǵamy keleshekte kadrlyq jáne óndiristik jaǵynan orta azııadaǵy alǵashqy jáne birden-bir GLP-halyqaralyq talaptarǵa saı ortalyq bolyp qalýy múmkin.
Joldybaı Bazar.
Derekkóz: i-news.kz.
Foto: Livejournal.com.