Ǵylymı-ádistemelik keńes otyrysy

Qazaqstan Respýblıkasy Pre­zı­dentiniń janyndaǵy Memlekettik basqarý akademııasynda akademııa rektory B.S.Ábdirásilovtiń tóra­ǵalyǵymen Ǵylymı-ádistemelik keńes otyrysy ótti. Maqsaty – Qazaqstan Respýb­lı­ka­syndaǵy Tilderdi damytýdyń 2011-2020 jyldarǵa arnalǵan memlekettik baǵdarlamasy sheń­berinde memlekettik qyzmet­shilerge tildik bilim berýdiń ózekti máselelerin talqylaý. Keńes ju­mysyna Parlament depýtattary, Pre­zıdent Ákimshiligi men ortalyq mem­lekettik basqarý organdarynyń tilge jaýapty qyzmetkerleri qatysty. Ǵylymı keńeste memlekettik qyzmet­tegi tildik biliktilikke qatysty mynadaı máseleler talqylandy: memlekettik qyzmet­shilerdiń tildik quzyrettiligin arttyratyn Til ortalyqtarynyń ádis­na­masy, QAZTEST júıesi boıynsha tildik bilimdi baǵalaý máseleleri. Sonymen qatar, akade­mııanyń memlekettik qyzmet­­shilerdi oqytý boıynsha jınaq­taǵan táji­rıbesi, oqytý tehnologııa­lary, mo­nı­torıngtik nátıjeleri baıandaldy. Ortalyq memlekettik basqa­rý organ­daryndaǵy tildik máse­leler boıynsha jasalǵan baıan­da­malar memlekettik til qoldany­sy­nyń aǵymdaǵy jaǵdaıy men problemalaryn talqylaýǵa shy­ǵardy, negizgi problemalar zerde­lenip, ortaq usynymdar berildi. Ǵylymı keńestiń negizgi usy­nymdary: memlekettik qyz­met­shilerdiń tildik quzy­rettiligin biliktilikti arttyrý semı­narlary arqyly kóterý, semınar taqy­ryptary memlekettik qyzmet qajet­ti­ligin qamtamasyz etýi tıis, máselen, resmı taqyryptarda kópshilik aldynda sóı­leýdi, ózekti máseleler boıynsha resmı stılde jazýdy, normatıvtik-quqyqtyq aktilermen jumys isteýdi, ilespe aýdarma jasaýdy ıgertý. Sondaı-aq, qazaq tilinde zań mátinin qurastyrý týraly pikirler ortaǵa salynyp, mem­le­kettik qyzmet barysynda jıi qol­danylatyn termınderdiń salalyq sózdikterin jasaýdyń ózektiligi naqtylanyp, Ǵylymı keńestiń tóraǵasy tarapynan qoldaý tapty. Ǵylymı keńestiń negizgi usy­nymdary Prezıdent Ákim­shiligine, memlekettik ortalyq organ­darǵa, memlekettik tildi oqytý orta­lyqtaryna joldanady. «Egemen-aqparat».