Búgin QKP Ortalyq Komıteti Saıası Bıýrosynyń Turaqty komıteti otyrysyn ótkizip, onyń barysynda Qytaı eli COVID-19-dy baqylaý salasynda sheshýshi jeńiske jetkeni aıtyldy, dep habarlaıdy Egemen.kz.
Qytaı basshylyǵy koronavırýspen kúreste «úlken jáne sheshýshi jeńiske jetkenin» jarııalady. 17 aqpan, juma kúni QKP Ortalyq Komıteti Saıası Bıýrosynyń Turaqty komıtetiniń otyrysynan keıin jarııalanǵan málimdemede Qytaı qarasha aıynan bastap salystyrmaly túrde qysqa merzimde pandemııadan qalypty ómirge «minsiz kóshti» dep málimdedi. Jıyndy QHR tóraǵasy Sı Szınpın júrgizdi.
Jergilikti BAQ-tyń habarlaýynsha, koronavırýs pandemııasy kezinde elde 200 mıllıonnan astam aýrý juqtyrǵan adamǵa medısınalyq kómek kórsetildi, 800 000-ǵa jýyq aýyr naýqas emdeldi. Bul rette Qytaıdaǵy COVID-19 óliminiń deńgeıi álemdegi eń tómen kórsetkish boldy.
Endi ólim týraly derekter jarııalanbaıdy.
Resmı málimetterge sáıkes, jeltoqsannyń basynan aqpannyń basyna deıin aýrýhanalarda 83,150 ólim tirkelgen.
2023 jyldyń 8 qańtarynan bastap Qytaıǵa keletin adamdar úshin mindetti karantın alynyp tastaldy. Keıin Qytaı Qazaqstanmen shekaradaǵy karantındik shekteýdi alyp tastady. COVID-19 shekteýleri alynyp tastalǵannan keıin Qytaıǵa kiretin adamdar sany 50%-ǵa ósti.