Qyzylorda oblysy PD ekstremızmge qarsy is-qımyl basqarmasynyń qyzmetkerleri, Aral aýdandyq polısııa bólimi men «Ohotzooprom» RMQK birlesken jedel-izdestirý jumystary barysynda aýdannyń 37 jastaǵy turǵynynyń úıiniń aýlasynda 26 aqbóken ushasy tárkilendi, dep habarlaıdy Egemen.kz.
Qazirgi ýaqytta osy fakt boıynsha QR QK 339-babynyń 2-bóligi boıynsha «Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter nemese janýarlar túrlerimen, olardyń bólikterimen nemese derıvattarymen zańsyz qarym-qatynas jasaý» boıynsha sotqa deıingi tergeý júrgizilýde.
«Kúdiktige qatysty bultartpaý sharasyn taǵaıyndaý týraly másele sheshilýde. Saraptama taǵaıyndaldy», delingen Qyzylorda oblysy PD baspasóz qyzmeti taratqan habarlamada.
Oqıǵanyń mán-jaıy anyqtalyp jatyr.