Memleket basshysy «Rodına» agrofırmasynyń bas dırektory Ivan Saýerdi qabyldady Kezdesý barysynda aýyl sharýashylyǵy salasyn damytý máseleleri talqylandy, dep habarlaıdy Egemen.kz Aqordaǵa silteme jasap.
Ivan Saýer Qasym-Jomart Toqaevqa otandyq aýyl sharýashylyǵy ǵylymyn keshendi túrde jańǵyrtý týraly usynystaryn aıtty. Sondaı-aq elimizdiń aýyldyq aýmaqtaryn damytýǵa qatysty óziniń kózqarasyn jetkizdi.
Memleket basshysy damyǵan ınfraqurylymymen jáne turǵyndardy barynsha jumyspen qamtýymen erekshelenetin «Rodına» aýyly úlgili eldi meken sanalatynyn atap ótti.
Prezıdent memleket tarapynan aýyl turǵyndarynyń tabysy men turmys sapasyn arttyrýǵa aıryqsha kóńil bólinetinine toqtaldy. Qasym-Jomart Toqaev aýyl halqynyń eńbek ónimdiligi men jumyspen qamtý kórsetkishterin arttyrýǵa, sondaı-aq aýyldaǵy áleýmettik ınfraqurylymdy damytýǵa baǵyttalǵan memlekettik baǵdarlamalardy tıimdi júzege asyrý úshin bıznes-qoǵamdastyqpen birlese áreket etý qajet ekenine nazar aýdardy.