Onyń ishinde 35 atalym qoljazbasy satyp alynǵan. Bul ádebıetter buryn esh jerde jarııalanbaǵan. Bul týraly mınıstrliktiń áleýmettik jelidegi paraqshasynda shyǵatyn «Tikeleı efır» aıdarynda Arhıv isteri jáne qujattamany basqarý komıteti Baspa isi basqarmasynyń basshysy Almaz Myrzahmet málimdedi, dep habarlaıdy Egemen.kz.
«Jeke jáne zańdy tulǵalardan túsken ótinimderdi Saraptama komıssııasy qaraıdy. Komıssııa usynylǵan kitaptyń kórkemdik qundylyǵynyń bolýy, sondaı-aq satyp alýdyń ózektiligi, oryndylyǵy turǵysynan zerdelep, qorytyndy shyǵarady. Sarapshynyń oń qorytyndysyn alǵan ádebıetter vedomostaralyq komıssııa sheshimimen basyp shyǵarylatyn ádebıetter tizimine engiziledi. О́tinimder jyl saıyn kórkem ádebıet, balalar men jasóspirimderge arnalǵan ádebıet, mádenıet jáne óner týraly ádebıet, ensıklopedııalyq-anyqtamalyq ádebıet, ǵylymı-kópshilik ádebıet, qoǵamdyq-saıası ádebıet, aýdarma ádebıeti, mereıtoılar men ataýly kúnderge arnalǵan ádebıet túrleri boıynsha qabyldanady», dedi Almaz Myrzahmet.
О́tken jyly 188 atalym 506 myń danamen basylyp shyǵyp, barlyq óńirdegi memlekettik kitaphanalarǵa taratylǵan edi. Onyń ishinde «Jańa qazaq ádebıeti» serııasy boıynsha jaryqqa shyqqan kitaptar oqyrmannyń joǵary baǵasyna ıe boldy.