Oblystyq tarıhı-ólketaný murajaıyndaǵy kóne jádigerlerdiń qatarynda ataqty aqyn, ánshi-sazger Basyqara balasy Qanapııanyń shapany da tur. Túrkistanǵa táý etýge kıip barǵan shapany eken.
Bertinge deıin seriniń atalas urpaǵy Smaǵul moldanyń úıinde saqtalyp kelgen. Ol kisi dúnıeden óterinde kelini Saqypqa tapsyryp ketipti. Kónetoz kók shapandy bıyl Rýdnyı qalasynda turatyn Smaǵul moldanyń jıeni Kúlásh Kódebaeva mýzeıge ákelip tapsyrǵan.
Sibir men Orynborǵa aty shyqqan Qanapııa Basyǵarauly 1840 jyly Áýlıekól óńirindegi Besaǵash aýylynda týǵan. Asa aýqatty ortadan shyqsa kerek.
– Basyqara balasy Qanapııa degende kóz aldymyzǵa kózi kómir shoǵyndaı, sózi mirdiń oǵyndaı, segiz qyrly, bir syrly, eki ıyǵyna eki kisi mingendeı batyr tulǵaly, kesek minezdi jigit elesteıdi. О́tken kúnnen saqtalǵan sýreti joq. Biraq el aýzynda saqtalǵan derek kóp. Kózi ashyq, kókiregi sergek Qanapııa Birjan salǵa óleńmen hat jazǵan. Bul hattan ekeýiniń dos bolǵany baıqalady, – deıdi belgili aqyn Aqylbek Shaıahmet.
Qalamger aǵamyzdyń aıtýynsha, Qanapııa 1917 jyldyń naýryz aıynda súzekten qaıtys bolǵan.
Qostanaı oblysy