Qytaı Ýkraınadaǵy jaǵdaıdy retteý boıynsha 12 tarmaqtan turatyn óz ustanymyn jarııalady, dep habarlaıdy Egemen.kz.
1.Barlyq elderdiń egemendigin qurmetteý. Úlken nemese kishi, kúshti nemese álsiz, baı nemese kedeı ekenine qaramastan barlyq elder halyqaralyq qaýymdastyqtyń teń músheleri.
2. Qyrǵı qabaq soǵystan bas tartý. Eldiń qaýipsizdigi basqalardyń esebinen qamtamasyz etilmeýi tıis.
3. Áskerı soǵys qımyldaryn toqtatý. Qaqtyǵystar men soǵystar eshkimge paıdaly emes. Barlyq taraptar osy baǵyttaǵy jumysta Reseı men Ýkraınany qoldaýy kerek.
4. Beıbit kelissózderdi qaıta bastaý. Ýkraına daǵdarysynyń sheshimi – Dıalog pen kelissózder.
5. Gýmanıtarlyq daǵdarysty sheshý. Gýmanıtarlyq kómek kólemin ulǵaıtý jáne gýmanıtarlyq jaǵdaıdy jaqsartý úshin kúsh salý qajet.
6. Beıbit turǵyndar men áskerılerdi qorǵaý. Taraptar halyqaralyq gýmanıtarlyq quqyqty qatań saqtaýy, beıbit turǵyndarǵa nemese azamattyq nysandarǵa shabýyl jasamaýy, áıelderdi, balalardy jáne basqa da janjal qurbandaryn qorǵaýy jáne áskerı tutqyndardyń negizgi quqyqtaryn qurmetteýi kerek.
7. Atom elektr stansııalarynyń qaýipsizdigin qamtamasyz etý. Qytaı atom elektr stansııalary men basqa da ıadrolyq qarý shabýyldaryna qarsy.
8. Strategııalyq táýekelderdi azaıtý. Iаdrolyq qarýdy qoldanýǵa bolmaıdy. Iаdrolyq qarýdyń taralýy men ıadrolyq daǵdarystyń aldyn alý qajet.
9. Astyq eksportyn damytý. Barlyq taraptar Reseı, Túrkııa, Ýkraına jáne BUU astyq bastamasyn tolyq jáne tıimdi túrde júzege asyrýy tıis.
10. Birjaqty sanksııalardy toqtatý. Birjaqty sanksııalar men maksımaldy qysym máseleni sheshe almaıdy. Olar tek jańa máseleler týdyrady.
11. О́ndiris tizbegi men jetkizý tizbeginiń turaqtylyǵyn saqtaý. Qytaı jahandyq ekonomıkany saıası maqsattaǵy qural nemese qarý retinde paıdalanýǵa qarsy.
12. Soǵystan keıingi qalpyna keltirý jumystaryna kómektesý. Halyqaralyq qaýymdastyq qaqtyǵys aımaqtaryn qalpyna keltirýdi qoldaý úshin sharalar qabyldaýy kerek. Bul máselege Qytaı kómektesýge daıyn.