Osy aptada QR PIB Medortalyǵynyń kúnderi aıasynda elordadaǵy aýrýhana men Ortalyq klınıkalyq aýrýhanasynyń, «Oqjetpes» emdeý-saýyqtyrý kesheniniń, Sanıtarlyq-epıdemıologııalyq saraptama ortalyǵynyń, Joǵary tehnologııalar jáne aqparattyq júıeler ortalyǵynyń mamandarynan, sondaı-aq «Qarlyǵash» balabaqshalar jelisiniń pedagogterinen jasaqtalǵan delegasııa Shymkent qalasyna bardy, dep habarlaıdy Egemen.kz.
Medısınalyq ortalyqtyń óńirlerdegi kúnderin ótkizýdegi basty maqsat – dárigerler men pedagogterdiń biliktiligin arttyrý, tájirıbe almasý, medısınalyq týrızmdi damytý.
Úsh kún ishinde medortalyq aýrýhanalarynyń dárigerleri 160-qa jýyq tegin konsýltasııalyq kómek berdi. Qala turǵyndaryn joǵary bilikti arıtmolog, genetık, onkolog jáne onkohırýrg, gastroenterolog, pýlmonolog, neırohırýrg jáne kardıohırýrg mamandar qabyldady. Olar kúrdeliligi ártúrli 17 operasııa jasady.
Shymkent saparynyń baǵdarlamasyna dárigerler men muǵalimderge arnalǵan trenıngter men sheberlik sabaqtary da qamtylǵan bolatyn. Sonyń aıasynda Medısınalyq tehnologııalar jáne aqparattyq júıeler ortalyǵynyń delegasııasy №1 qalalyq klınıkalyq aýrýhana dárigerlerimen kezdesý ótkizdi.
QR PIB Medortalyǵynyń «Qarlyǵash» balabaqshasynyń ókilderi Shymkent qalasyndaǵy mektepke deıingi uıymdardyń qyzmetkerlerine dóńgelek ústel uıymdastyrdy. Kezdesýde elordalyq pedagogter oqytý ádisteri men balalardyń densaýlyǵyn saqtaýǵa jáne jaqsartýǵa qatysty tájirıbelerimen bólisip, «Bilim berý sapasyn baǵalaýda ECERS-3 shkalasyn qoldaný» taqyrybynda semınar-trenıng, «Innovasııalar salasyndaǵy ınnovasııalar» taqyrybynda sheberlik sabaǵyn ótkizdi.
Sanıtarlyq-epıdemıologııalyq saraptama ortalyǵy qalanyń medısınalyq uıymdarynyń bas dárigerleri men orynbasarlaryna epıdemıologııalyq jáne azyq-túlik qaýipsizdigi boıynsha, aýrýhanada ınfeksııanyń aldyn alý jáne baqylaý jaıynda trenıngter men sheberlik sabaqtaryn ótkizdi.
Is-sharanyń sońǵy kúninde QR PIB Medısınalyq ortalyǵy men Shymkent qalasynyń ákimdigi, Ońtústik Qazaqstan medısına akademııasy jáne Santo farmasevtıkalyq kompanııasy arasynda yntymaqtastyq týraly memorandýmdarǵa qol qoıyldy.