Endi TikTok jelisi balalardyń áleýmettik jelide ótkizetin ýaqytyn shekteı alady, dep habarlaıdy Egemen.kz kompanııa blogyna silteme jasap.
Aldaǵy ýaqytta TikTok-ta 18 jasqa tolmaǵan paıdalanýshylar úshin kúndelikti 60 mınýttyq lımıt belgilenedi. Bir saǵattan keıin áleýmettik jelini paıdalanýdy jalǵastyrý úshin ruqsat kodyn engizý qajet bolady.
Eger paıdalanýshy 13 jasqa tolmaǵan bolsa, onda TikTok-ty bir saǵattan artyq paıdalaný úshin ata-ana ruqsat kodyn engizýi kerek. Kodty engizgennen keıin áleýmettik jeli ákimshiligi qosymsha 30 mınýt beredi.
«Ekran ýaqytyn paıdalanýdyń maquldanǵan shekteýi joq bolǵandyqtan, biz qazirgi akademııalyq zertteýlermen tanysyp, Boston balalar aýrýhanasynyń sıfrlyq densaýlyq zerthanasynyń sarapshylarymen keńesken edik», dep jazdy kompanııa ákimshiligi.