Qazaqstan elshisi Bolat Imanbaev Armenııa ulttyq jınalysynyń apparat basshysy, bas hatshysy Davıd Arakelıanmen jáne armıan depýtattarymen kezdesti, dep habarlaıdy Egemen.kz.
Áńgime barysynda Qazaqstan-Armenııa parlamentaralyq yntymaqtastyǵyn odan ári damytý jáne nyǵaıtý máseleleri talqylandy.
Elshi Prezıdent Qasym-Jomart Toqaevtyń bastamasymen júrgizilip jatqan saıası jáne áleýmettik-ekonomıkalyq jańǵyrtýdyń aýqymdy baǵdarlamasy týraly habardar etti. Konstıtýsııalyq reforma men Qazaqstanda aldaǵy parlamenttik saılaýdy daıyndaý jáne ótkizý máselelerine erekshe nazar aýdaryldy.
Armıan tarapy Qazaqstanda júrgizilip jatqan saıası jáne ekonomıkalyq reformalardy joǵary baǵalap, ekijaqty deńgeıde, sondaı-aq halyqaralyq parlamenttik uıymdar sheńberinde parlamentaralyq baılanystardy nyǵaıtý úshin bar kúsh-jigerin salýǵa daıyn ekenin bildirdi. D. Arakelıan 19 naýryzda Qazaqstandaǵy parlamenttik saılaýǵa halyqaralyq baıqaýshylar retinde Armenııa parlamenti depýtattarynyń qatysatynyn rastady.
Kezdesý barysynda sonymen qatar 2023 jyly birlesken ekijaqty jáne halyqaralyq parlamentaralyq is-sharalar kestesi qarastyryldy.