2023 jylǵy 4 naýryzda Premer-mınıstrdiń orynbasary – Saýda jáne ıntegrasııa mınıstri Serik Jumanǵarınniń tóraǵalyǵymen áleýmettik mańyzy bar azyq-túlik taýarlarynyń baǵasyn turaqtandyrý máseleleri boıynsha jedel keńes ótti, dep habarlaıdy Egemen.kz.
Serik Jumanǵarın aldyńǵy aptada kókónisterge baǵanyń ósý qarqyny báseńdegenimen, turaqtamaǵanyn aıtty. Turaqtandyrý qorlarynan naryqqa shyǵarylatyn áleýmettik mańyzy bar taýarlardyń kólemi áli de jetkiliksiz bolyp otyr.
«Ákimdikterge qordy qoımalarda ustamaı, kókónisterdi satatyn saýda nysandarynyń sanyn kóbeıte otyryp, olardy úlken kólemde naryqqa shyǵarýdy tapsyramyn», dedi Serik Jumanǵarın.
Keńes barysynda Saýda jáne ıntegrasııa mınıstrligi saýda komıteti tóraǵasynyń mindetin atqarýshy Aıdar Ábildabekovtiń aıtýynsha, búginde óńirlerdiń derekteri boıynsha aınalymǵa 56,2 myń tonna kókónis jiberildi.
Búginde 18,4 myń tonna kókónis, onyń ishinde pııaz - 4,9 myń tonna, qyryqqabat - 2,8 myń tonna, kartop – 7,0 myń tonna, sábiz – 3,6 myń tonna satyldy. О́tken aptada sábiz baǵasy – 0,6%-ǵa, qaraqumyq – 0,5%-ǵa, qant – 0,3%-ǵa, kúnbaǵys maıy jáne taýyq eti – 0,2%-ǵa tómendedi.