Ulttyq ekonomıka mınıstri Álibek Qýantyrov eldiń shyǵys óńirine jumys sapary barysynda Zaısan aýdanynda bolyp, Úıdene sý qoımasyndaǵy ahýalmen keńinen tanysty.
Gıdroqurylys 1966 jyly salynǵan. Sodan beri ol jer sýarý úshin paıdalanylady. Sý qoımasynda 75 mln tekshe metr sý jınalady jáne 4 magıstraldy kanal bar.
«Qazsýshar» RMK Shyǵys Qazaqstan fılıalynyń dırektory Nurjan Ámirjanovtyń aıtýynsha, nysan 2018 jyldan beri apattyq jaǵdaıda tur. О́ıtkeni 2016 jyly bastalǵan qaıta jańartý jumystary tekserý kezinde anyqtalǵan jobalyq sáıkessizdikterge baılanysty toqtatylǵan.
Jobalyq-smetalyq qujattamany túzetý boıynsha ótinim Qarjy mınıstrliginiń qaraýynda. Jobanyń shekti quny – 2,3 mlrd teńge. Respýblıkalyq bıýdjetten 1,9 mlrd teńge qajet.
Ulttyq ekonomıka mınıstri Úıdene sý qoımasynyń Zaısan aýdany úshin strategııalyq mańyzy zor ekenin jáne bul másele Qarjy mınıstrligimen birlesip qaralatynyn atap ótti. Al mınıstrdiń ózi bul nysandy memleket menshiginde qalýy kerek dep sanaıdy.
Sonymen qatar shekara mańyndaǵy aýdandardy damytý máselesi de kóterildi. Bul máselege mınıstrlik ázirlegen Qazaqstan Respýblıkasynyń aýyldyq aýmaqtaryn damytýdyń 2023-2027 jyldarǵa arnalǵan tujyrymdamasy sheńberinde erekshe nazar aýdarylady, dedi mınıstr.
Á.Qýantyrov Shyǵys Qazaqstan oblysyna jasaǵan jumys sapary aıasynda Rıdder qalasyna bardy. Shaǵyn shahardyń turǵyndary áleýmettik nysandar, sport kesheni, jalǵa beriletin turǵyn úı jáne memlekettik tilde oqytatyn mektep qurylysyna qatysty máselelerdi kóterdi.
Ulttyq ekonomıka mınıstri bul máselelerdiń barlyǵyn jergilikti atqarýshy organdarmen jáne múddeli mınıstrliktermen birlesip qaraýǵa daıyn ekenin atap ótti. Máseleler kezeń-kezeńimen sheshiletin bolady.
– Rıdder – damyp kele jatqan monoqalalardyń biri. Ol óziniń geografııalyq ornalasýymen erekshe. Áleýeti úlken. Adamı kapıtaldyń sapasy joǵary. Elimizdiń óńirlik damýyna jaýapty Ulttyq ekonomıka mınıstrligi monoqalalardy damytý boıynsha belsendi jumys júrgizip jatyr. Injenerlik jáne kóliktik ınfraqurylymdy jańǵyrtýǵa, sondaı-aq monoqalalardaǵy halyqtyń ómir súrý deńgeıine erekshe nazar aýdaryldy», dedi mınıstr.
Shyǵys Qazaqstan oblysynyń ákimi Danıal Ahmetovtiń aıtýynsha, Rıdder qalasynda sport nysanyn salý úshin bekitilgen qujattama bar. Qoldanystaǵy baǵdarlamalar sheńberinde qoldaý qajet. Bıýdjettik ótinim jiberiledi.
«Mektepke kelsek, «Shańyraqqa» 60 mln teńge bóldik. Bul – 590 oryndyq mektep. Áli de 160 oryn bar. Bıyl 600 oryndyq jańa mektep ashtyq, onyń 300-i qazaq tilinde. Jańa mekteptiń qurylysyn bastap jatyrmyz, ol qazaqtildi bolady. Qazirdiń ózinde qajettilikti jaýyp otyrmyz. Odan ári de damý dınamıkasyn saqtaımyz», dedi oblys ákimi.
Sonymen qatar Ulttyq ekonomıka mınıstri aýysymyna 500 kelýshige arnalǵan 140 tósektik kópsalaly aýrýhana kesheniniń qurylysymen tanysty. Jalpy smetalyq quny – 26,6 mlrd teńge. Jobany aıaqtaý úshin respýblıkalyq bıýdjetten qarjylandyrý qajet. Bul másele tıisti vedomstvolarmen pysyqtalatyn bolady.
Qurylys jumystaryn aıaqtaý kelesi jylǵa josparlanǵan.
Shyǵys Qazaqstan oblysy