Eńbek jáne halyqty áleýmettik qorǵaý mınıstriniń málimetinshe, Qazaqstanda 4,3 mln áıel jumyspen qamtylǵan, dep habarlaıdy Egemen.kz.
Eńbek jáne halyqty áleýmettik qorǵaý mınıstri Tamara Dúısenova Úkimet otyrysynda Qazaqstanda áıelderdi jumyspen qamtý jáne áleýmettik qoldaý boıynsha júzege asyrylyp jatqan sharalar týraly aıtyp berdi.
Mınıstrdiń málimetinshe, Qazaqstanda jumyspen qamtylǵan 4,3 mln áıel bar. Olar jumyspen qamtylǵan barsha halyqtyń 48 paıyzyn quraıdy.
«Áıelderdiń 35 paıyzy – saýda jáne qyzmet kórsetý salasynda, 32 paıyzy – bilim, densaýlyq saqtaý jáne ǵylym salasynda, 14 paıyzy – ónerkásipte, qurylysta jáne kólikte, 9 paıyzdan astamy aýyl sharýashylyǵynda jumys isteıdi», dedi mınıstr.