Búginde áıelderdiń saıası ilgerileýi, korporatıvtik ósýi jáne damýy qamtamasyz etilip jatyr, dep habarlaıdy Egemen.kz.
«Statıstıkaǵa sáıkes, 2010 jyly memlekettik qyzmettegi áıelderdiń úlesi 52,7%-dy qurasa, 2022 jyly 55,4%-ǵa deıin ósti. Onyń ishinde 39,2% basshylyq qyzmetti atqarady. Saıası laýazymdarda 59 áıel jumys isteıdi. Onyń ishinde mınıstrler, Agenttiktiń, Joǵary aýdıtorlyq palatanyń jáne Konstıtýsııalyq sottyń tóraǵalary, Senat tóraǵasynyń orynbasarlary, oblystar men qala ákimderiniń orynbasarlary, aýdan ákimderi bar», dedi mınıstr.
UEM basshysynyń málimetinshe, shaǵyn jáne orta bıznestegi áıelderdiń úlesi 2011-2021 jyldar aralyǵynda 38,4%-dan 44,6%-ǵa ósti. Elimizde kásiporyn basshylarynyń 30,8%-y - áıelder. Bul rette, Úkimet memlekettik qatysýy bar kompanııalardyń basshy organdaryndaǵy áıelderdiń úlesin kezeń-kezeńimen 30%-ǵa deıin arttyrýǵa baǵyttalǵan sharalar qabyldap jatyr.
Áıelder kásipkerligin qoldaý qarjylaı jáne qarjylaı emes sharalar arqyly júzege asyrylyp keledi. Syıaqy mólsherlemesin sýbsıdııalaý sheńberinde 6 myń joba, kredıtterge kepildik berý boıynsha 4 myń joba qoldaý tapty. Sonymen qatar QR UEM Eýropa qaıta qurý jáne damý bankimen birlesip, «Bıznestegi áıelder» baǵdarlamasyn iske asyryp jatyr.
«Turaqty ekonomıkalyq ósýdiń mańyzdy faktorlarynyń biri retinde iskerlikti arttyrýdaǵy áıelderdiń qosqan eleýli úlesin atap ótkim keledi. Áıelderdiń saıasattaǵy róli jáne olardyń belsendi qatysýy qoǵamdyq ómirdiń basqa salalarynda da genderlik teńdikti jaqsartýǵa yqpal etedi», dedi vedomstvo basshysy.