9, 10 jáne 11 naýryzda Qazaqstan aýmaǵynyń basym bóliginde turaqsyz aýa raıy saqtalady. Bul týraly «Qazgıdromet» RMK sınoptıkteri málimdedi, dep habarlaıdy Egemen.kz.
Beısenbi, juma jáne senbi kúnderi birqatar óńirde ekpindi jel men kóktaıǵaq qubylystarymen birge qar, qar aralas jaýyn-shashyn bolady.
9 naýryzda respýblıkanyń shyǵysynda jáne ońtústik-shyǵysynda qatty jaýyn-shashyn (jańbyr, qar) kútiledi.«Aldaǵy úsh kúnde respýblıka boıynsha tuman kútiledi. Elimizdiń basym bóliginde temperatýralyq fonnyń aıtarlyqtaı ózgerýi kútilmeıdi, tek respýblıkanyń soltústik, ortalyq, shyǵys oblystarynda túnde aýa temperatýrasy 5-18 gradýs aıazǵa deıin tómendeıdi», delingen habarlamada.