Qazaqstandyq stýdentter korporasııanyń aýqymdy halyqaralyq jobasymen jumys isteýge múmkindik aldy. OpenSearch Amazon jobasy Ǵylym jáne joǵary bilim mınıstrligi men Amazon kompanııasy arasyndaǵy memorandým aıasynda júzege asady, dep habarlaıdy Egemen.kz Ǵylym jáne joǵary oqý mınıstrliginiń baspasóz qyzmetine silteme jasap.
2022 jyldyń sońynda Ǵylym jáne joǵary bilim mınıstrligi men Amazon kompanııasy arasynda Joǵary bilim berý salasyndaǵy perspektıvalyq yntymaqtastyq, stýdentterdiń oqý prosesinde ınnovasııalardy engizý jáne mansabyn bastaý úshin qajetti daǵdylardy ıgerý múmkindikterin keńeıtý týraly memorandýmǵa qol qoıylǵan bolatyn.
Eki jaqty kelisim aıasynda Qazaqstanda College Contributor initiative pılottyq baǵdarlamasy iske qosyldy. Endi elimizdiń JOO stýdentteri Amazon kompanııasynyń halyqaralyq aýdıtorııasy arasynda birinshi bolyp OpenSearch Amazon ashyq bastapqy kody bar jobamen jumys isteýge qatysady.