Halyq tańdaýy – el ıgiligine

Birinshiden, bul saılaý – bılik tarmaqtaryn reformalaýǵa keńi­nen jol ashady. Osy shaqy­ry­lymda saılanatyn depýtattar Ádi­letti Qazaqstandy qurý jolyn­da bel sheship kúresetinine kúmánim joq.

Ekinshiden, bul saılaýda 7 partııanyń múshelerimen qatar, partııalarda joq azamattardyń da saıası dodaǵa qatysýyna jol ashyldy. Bul jaǵynan alǵanda bıylǵy saılaý eldiń barlyq aza­matynyń teń dárejede saı­laýǵa túsýine múmkindik jasaldy. Saılaý qorytyndysynda myqty halyqtyq blok qurylatyny sózsiz. Osy oraıda 10 myńnan astam azamat Májilis pen máslı­hattar depýtaty bolyp saılanýǵa óz quqyǵyn paıdalanyp otyr.

Úshinshiden, bul saılaý naý­qanynyń mańyzdy ereksheligi – partııalyq tizimderdegi kvotanyń keńeıýi jáne depýtattyq mandattardy bólý kezinde kvotany esepke alý normasy. Anyǵyraq aıtqanda, Májilis depýtattaryn saılaýda partııalyq tizimge áıelder men jastardan bólek, múgedektigi bar jandar da saıası úderisterge qatysýda qıyndyqtardy bas­tan keshiretin áleýmettik sanat retinde engizilip, saıası kvota bekitildi. Munyń basty maqsaty – pikirler plıýralızmin qamtamasyz etý, birjaqty kózqarasty joıý jáne ortaq ıgilik úshin sheshim qabyldaýda múmkindikter teńdigin qamtamasyz etý.

Saılaýdyń osy erekshe­likterge qurylǵan júıesine kóshý bizdiń azamattyq jáne saıa­sı belsendiligimizdi arttyrýǵa aıtarlyqtaı serpin beredi. Onyń ústine, bul saılaýda saıası synǵa túsýshilerdiń saılaý naýqanynda básekege qabilettiligi tyń úrdiske baǵyt alǵanyn kóremiz. Partııalar arasyndaǵy báseke bolsyn, okrýg­tik saılaý arasyndaǵy úmit­kerlerdiń básekesi bolsyn, olar­dyń bári saıası naýqannyń kórigin qyzdyra túskenin baıqaý qıyn emes. Bul saılaýdyń qundylyǵy osynda.

Saılaýshylar arasyndaǵy enjarlyq pen beıjaılyqty joıý­da bul faktorlar asa úlken ról atqaryp otyrǵanyn qazir eshkim de joqqa shyǵara almaıdy. Kez kelgen partııanyń neme­se kandıdattyń jáne onyń shtaby­nyń motıvasııasy men kózqarasy, materıaldyq jáne adamı resýrstary, naýqanǵa daıyn­dyq deńgeıi, kreatıvi, shy­naıylyǵy saılaýaldy naý­qannyń joǵary deńgeıde ótip jatqanyn bildiredi. Al mem­leket buqaralyq aqparat quraldaryn teńdeı paıdalanýǵa kepildik berip otyr. Zańnamalyq turǵydan barlyq kandıdattyń múmkindiginiń teń ekeni de osy saılaýdyń ádiletti ótýine aparatyn birden-bir jol ekeni daýsyz.

Saılaý – halyqtyq tańdaý. Sondyqtan da Qazaqstannyń bar­lyq azamatyn Parlament Máji­lisine jáne jergilikti máslı­hat­tarǵa depýtattar saılaýy kúni ózderiniń qalaǵan partııalary men okrýgterinen túsip jatqan kandıdatyna daýys berýge shaqyramyn. Siz sol arqyly Qazaqstanda bas­tal­­ǵan saıası ınstıtýttar refor­ma­synyń sátti ótýine úles qosa alasyz.

Jaqsybek QULEKEEV,

memleket jáne qoǵam qaıratkeri