2014 jylǵy 27 maýsym, Astana, Úkimet Úıi
Jeńil dıstıllıattardy jáne ónimderdi, kerosındi, gazoıldardy jáne ózge munaı ónimderin áketýge ýaqytsha tyıym salýdy engizý týraly
2008 jylǵy 25 qańtardaǵy Úshinshi elderge qatysty tarıftik emes retteýdiń biryńǵaı sharalary týraly kelisimniń 9-babyna, 2009 jylǵy 9 maýsymdaǵy Úshinshi elderge qatysty biryńǵaı kedendik aýmaqta taýarlardyń syrtqy saýdasyn qozǵaıtyn sharalardy engizý jáne qoldaný tártibi týraly kelisimniń 8-babyna jáne 2010 jylǵy 9 jeltoqsandaǵy Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge sáıkes munaı ónimderiniń ishki naryǵynda múldem jetispeýshilikti jáne baǵanyń ósýin boldyrmaý maqsatynda Qazaqstan Respýblıkasynyń Úkimeti qaýly etedi:
1. Turmystyq pesh otynynan basqa, jeńil dıstıllıattar men ónimderdi (KO SEQ TN kody 2710 12), ortasha dıstıllıattardy, kerosındi, gazoıldardy, dızel otynyn (KO SEQ TN kody 2710 19 110 0 - 2710 12 480 0, 2710 20 110 0 - 2710 20 190 0), motor maılaryn (KO SEQ TN kody 2710 19 820 0), gıdravlıkalyq maqsattarǵa arnalǵan suıyqtardy (KO SEQ TN kody 2710 19 840 0), aqshyraıly maılardy (KO SEQ TN kody 2710 19 860 0), tegershik úshin maılar (KO SEQ TN kody 2710 19 880 0), elektr ızolıasııalyq maılardy (KO SEQ TN kody 2710 19 940 0) jáne ózge de munaı ónimderin (KO SEQ TN kody 2710 20 900 0) áketýge alty aı merzimge tyıym salynsyn.
2. Qazaqstan Respýblıkasy Qarjy mınıstrliginiń Kedendik baqylaý komıteti zańnamada belgilengen tártippen osy qaýlynyń 1-tarmaǵynyń oryndalýy boıynsha baqylaýdy qamtamasyz etsin.
3. «Qazaqstan temir joly» ulttyq kompanııasy» aksıonerlik qoǵamy (kelisim boıynsha) zańnamada belgilengen tártippen osy qaýlynyń 1-tarmaǵyn iske asyrý jóninde sharalar qabyldasyn.
4. Qazaqstan Respýblıkasy Ekonomıka jáne bıýdjettik josparlaý mınıstrligi belgilengen tártippen:
1) osy qaýlynyń 1-tarmaǵynda kórsetilgen tyıym salýdyń engizilgendigi týraly Eýrazııalyq ekonomıkalyq komıssııany habardar etsin;
2) Eýrazııalyq ekonomıkalyq komıssııanyń qaraýyna osy qaýlynyń 1-tarmaǵynda kórsetilgen sharalardy Keden odaǵyna qatysýshy basqa memleketterdiń qoldanýy týraly usynystar engizsin.
5. Qazaqstan Respýblıkasy Syrtqy ister mınıstrligi osy qaýly resmı jarııalanǵan kúninen bastap kúntizbelik on tórt kún ishinde Qazaqstan Respýblıkasynyń Úkimeti qabyldaıtyn syrtqy saýda qyzmetin retteý jónindegi sharalar týraly Eýrazııalyq ekonomıkalyq qoǵamdastyqtyń Integrasııalyq komıtetiniń Hatshylyǵyn habardar etsin.
6. Osy qaýly 2014 jylǵy 1 shildeden bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.