Úkimet qaýlysymen Beısenbekuly Abzal Qarjy vıse-mınıstri bolyp taǵaıyndaldy, dep habarlaıdy Egemen.kz Qarjy mınıstrliginiń baspasóz qyzmetine silteme jasap.
Abzal Beısenbekuly 1985 jyly dúnıege kelgen.
M.H. Dýlatı atyndaǵy Taraz memlekettik ýnıversıtetin, Nottıngem ýnıversıtetin (Ulybrıtanııa), Taraz ınnovasııalyq-gýmanıtarlyq ýnıversıtetin bitirgen.
«Bolashaq» halyqaralyq stıpendııasynyń ıegeri, 2019 jylǵy Prezıdenttik jastar kadr rezerviniń múshesi.
Eńbek jolyn 2007 jyly Bilim jáne ǵylym mınıstrliginiń Ǵylym komıtetinde bastaǵan.
2008-2010 jyldary Ekonomıka jáne bıýdjettik josparlaý mınıstrliginiń Áleýmettik salany damytý departamenti Bilim jáne ǵylymdy damytý basqarmasynyń sarapshysy qyzmetin atqardy.
2010-2011 jyldary Qarjy mınıstrliginiń Áleýmettik salanyń bıýdjettik baǵdarlamalarynyń oryndalýyn josparlaý, taldaý jáne iske asyrylýyn baǵalaý departamentinde jumys istedi.
2011-2019 jyldary Prezıdent Ákimshiliginiń Áleýmettik-ekonomıkalyq monıtorıng bóliminde sarapshy, konsýltant, ınspektor, sektor meńgerýshisi jáne bólim meńgerýshisiniń orynbasary laýazymdarynda eńbek etti.
2019 jyldyń sáýirinen 2021 jyldyń naýryzyna deıin jeke jáne kvazımemlekettik sektorlarda basshylyq qyzmetter atqardy.
2021 jylǵy naýryzdan bastap qazirgi ýaqytqa deıin Qarjy mınıstrliginiń Apparat basshysy qyzmetin atqardy.